„Þetta er nú meiri lúxus kerran“

„Það fyrsta sem kom upp í huga minn þegar við lögðum af stað er; „Þetta er nú meiri lúxus kerran“. Það væsti ekki um mig sem farþega í þessum stórglæsilega bíl í ferð okkar í fjóra landshluta á fjórum dögum,“ segir dagskrárgerðarkonan Sigga Lund en lið Bylgjunnar ók Volvo C40 Recharge í þrautabrautinni Leikið um landið þar sem útvarpsstöðvarnar FM957, X977 og Bylgjan öttu kappi hver við aðra.

Og það er ekkert skrítið að lúxus hafi komið upp í hugann. Nútímaleg hönnun og leðurlaust innanrými setur mikinn svip á C40 Recharge og er bíllinn virkilega þægilegur fyrir bæði ökumann og farþega. Bíllinn er afar rúmgóður og með 413 lítra farangursrými.

„Það var meira en nóg pláss, sætin eru rúmgóð og þú getur fest þína stillingu í minni bílsins. Það finnst mér alger snilld! 

Uppáhaldið mitt við bílinn er þakglugginn, vá! Ég get vel mælt með Volvo,“ segir Sigga. Til að auka enn á þægindin er bíllinn búinn fjarstýrðum forhitara og varmadælu.

Vel hannað stjórnborð

Í stjórnborði Volvo C40 Recharge er 12 tommu ökumannsskjár og 9 tommu miðlægur snertiskjár. Bíllinn er með innbyggðri Google þjónustu og tengdur Google Assistant og Google Map.

Drægni bílsins á rafmagni er allt að 535 km við bestu aðstæður en raundrægni er mismunandi eftir aksturslagi, hitastigi, notkun á miðstöð bílsins og öðrum þáttum svo sem hæð yfir sjávarmáli, vindi, regni og undirlagi.

Bíllinn er búinn 32 mínútna hraðhleðslu þ.e. dæmigerður hleðslutími 10 í 80 prósent með 150 kW DC-hraðhleðslu (CCS2). Dæmigerður hleðslutími í heimahleðslu er 7 klst úr 0 í 100 prósent með 11 kW AC-hraðhleðslu (gerð 2) 3-fasa 16A.* Volvo C40 Recharge er með samsetta hleðsluinnstungu með bæði AC og DC inntakstengjum.

Öryggi og gagnsæi í fyrirrúmi

Öryggi fyrir alla er efst á lista hjá Volvo, fyrir ökumann, farþega, aðra akandi vegfarendur og síðast en ekki síst gangandi vegfarendur. Volvo notar gögn til grundvallar ákvarðanatöku og hefur frá áttunda áratug síðustu aldar rannsakað meira en 43 þúsund bíla sem lent hafa í árekstrum, þar sem um 72,000 manns komu við sögu. Niðurstöður rannsóknanna eru öllum opnar.

Volvo leggur einnig áherslu á fullkomið gagnsæi þegar kemur að kolefnisáhrifum rafbílanna og hefur framkvæmt og birt lífsferilsmat (LCA) fyrir C40 Recharge með tveimur mótorum. LCA-matið tekur til allrar kolefnislosunar sem tengist framleiðslu ökutækisins (þar á meðal starfsemi birgja, framleiðslu og flutninga), auk 200.000 km notkunar.