Dularfulli maðurinn sem skipulagði árásina sagður hafa níu líf Jón Þór Stefánsson skrifar 12. október 2023 14:29 Mohammed Deif er gríðarlega dularfullur. Þó að hann hafi sett mark sitt á söguna þá er lítið vitað um ævi hans. Jafnframt er útlit hans óljóst en þessi mynd er tekin úr sjónvarpsávarpi Hamas-samtakanna árið 2005. Wikimedia Mohammed Deif hefur verið eftirlýstur af Ísraelsríki í þrjá áratugi og virðist oft hafa sloppið með skrekkinn frá ísraelskum stjórnvöldum. Hann er leiðtogi Izz al-Din al-Qassam-flokksins, herskás arms Hamas-samtakanna, og skipulagði árásina sem átti sér stað síðsatliðinn laugardag og hefur orsakað stríðsátökin sem ríkt hafa í Ísrael og á Gasaströndinni síðan. Franski ríkismiðillinn France 24 fjallar um sögu Deif. Þar segir að í ljósi atburða laugardagsins sé ljóst að Ísraelsmenn vilji Deif feigan, og það meira en nokkru sinni fyrr. En á sama tíma þykir líklegt að frægðarljómi hans á Gasaströndinni fari vaxandi. Arfleiðin tryggð „Með þessari aðgerð, sem er sú best heppnaða í sögu palestínskrar andspyrnusögu, hefur hann tryggt að arfleið sín verði í manna minnum um ókomna tíð. Nú getur hann misstigið sig. Ísrael getur myrt hann úr því sem komið er,“ er haft eftir Omri Brinner, sérfræðingi í málefnum Miðausturlanda. Brinner útskýrir að Deif hefur hlotið viðurnefnið „Maðurinn með níu líf“ vegna þess hve vel hann hafi komið sér undan ísraelskum stjórnvöldum um áratugaskeið. Eldflaugaárásir hafa verið áberandi í átökunum frá því um helgina. Þessi ljósmynd er tekin í kringum Gasaströndina í gærkvöldi.EPA Hann hefur verið skilgreindur sem hryðjuverkamaður af Bandaríkjunum frá árinu 2015, og verið eftirlýstur af Ísraelsríki í þrjátíu ár, en hann er sagður hafa oft og mörgum sinnum ógnað þjóðaröryggi landsins á þeim tíma. „Árásargirni gagnvart Ísrael helst yfirleitt í hendur við lágar lífslíkur. Það er hreint út sagt ótrúlegt að hann hafi haldið sér á lífi eins lengi og raunin er,“ segir Jacob Eriksson, sérfræðingur í málefnum Ísraels og Palestínu. Lemstraður eftir árás Ísraels Ástæðan fyrir þessu óvænta langlífi Mohammed Deif felst í því hversu vel honum hefur tekist að vera í felum. Til að mynda er fullyrt í grein France 24 að einungis sé til ein ljósmynd af Deif sem hefur litið dagsins ljós. Og sú mynd er tuttugu ára gömul. Hann hefur þó ekki alltaf sloppið óhultur. Deif er sagður hafa misst sjón, handlegg og fótlegg eftir árás Ísraelsmanna árið 2006. Palestínsk mæðgin ganga í rústum á Gasasvæðinu.EPA Þá liggur ekki fyrir hvert raunverulegt nafn hans er, en France 24 útskýrir að Deif þýði í raun og veru gestur. „Það er tilvísun í að hann eyðir aldrei meira en einni nótt á sama stað. Hann er alltaf á flakki til að forðast Ísraelsmenn,“ segir Eriksson. Óljós ævi Aðrar staðreyndir um ævi Deif eru á reiki, en því hefur til að mynda verið haldið fram að hann hafi fæðst á sjöunda áratug síðustu aldar í flóttamannabúðum á Gasaströndinni. Í lok níunda áratugarins hafi hann gengið til liðs við Hamas-samtökin. Hann hafi skipulagt sjálfsmorðssprengjuárás á tíunda áratugnum og í kjölfar morðsins á Yahya Ayyash, sem var einn leiðtoga Hamas, hafi Deif orðið að mikilvægum hlekk innan samtakanna. Sjö mánaða gamall sonur Deif, Ali, og eiginkona hans voru myrt í árás Ísraelsmanna árið 2014. Jarðarför sonarins vakti mikla athygli sökum fréttaljósmynda sem sýndu þegar gengið var með lík barnsins um götur Gasa. Býr ekki á lúxushóteli Mohammed Deif hefur það orð á sér að vilja einungis notast við hernaðarlegar lausnir. Brinner segir að það hafi aukið vinsældir hans á Gasaströndinni. Skoðanakönnun sem gerð hafi verið 2014 hafi bent til þess að hann væri vinsælli en helstu leiðtogar Hamas-samtakanna. Þar spili jafnframt inn í að hann búi á Gasaströndinni, sem er eitthvað sem aðrir leiðtogar Hamas eru ekki þekktir fyrir. Þvert á móti hafi sumir þeirra verið sakaðir um að stýra aðgerðum samtakana frá „lúxushótelum í Katar“. Átök í Ísrael og Palestínu Ísrael Palestína Tengdar fréttir Óttast að spítalinn breytist í líkhús Átök Ísraela og Hamas-liða héldu áfram í nótt og í morgun. Palestínumenn segja að stærsti spítali Gasasvæðisins verði rafmagnslaus eftir fjóra daga fái þeir ekki eldsneyti til að halda rafstöðvum gangandi. Ákveðin upplýsingaóreiða ríkir vegna átakanna. 12. október 2023 12:28 Segir Gasaströndina hafa verið einangraða vegna ótta við hryðjuverkaógn Stefán Einar Stefánsson, siðfræðingur og fjölmiðlamaður, segir Ísraelsmenn hafa lokað Gasaströndina af, af ótta við hryðjuverkaógn og að allt færi úr böndunum innan ísraelskra landamæra. 10. október 2023 15:57 Fordæmdi tvístígandi þjóðarleiðtoga og hét eilífum stuðningi „Ég stend hér fyrir framan ykkur ekki aðeins sem utanríkisráðherra Bandaríkjanna heldur einnig sem gyðingur,“ sagði Antony Blinken þegar hann ávarpaði Benjamin Netanyahu, forsætisráðherra Ísrael, og ísraelsku þjóðina á blaðamannafundi fyrir stundu. 12. október 2023 11:53 Mest lesið „Enn fólk að birtast sem hafði ekki hugmynd um þetta“ Innlent Fimm grímuklæddir brutu upp útidyrahurð Innlent Enn slasast tugir í ókyrrð Erlent Orbán hyggst óvænt heimsækja Úkraínu Erlent Guðmundur Elís í þriggja ára fangelsi fyrir nauðgun Innlent Nýtt heilbrigðisvísindahús háskólans rís Innlent Mál Yazans vekur athygli erlendra fjölmiðla Innlent Ríkisstjórn ekki verið óvinsælli frá tíð Geirs Haarde Innlent Tjónvaldurinn tók varla eftir því að hafa rústað bílnum Innlent Trillan komin í land Innlent Fleiri fréttir Enn slasast tugir í ókyrrð Orbán hyggst óvænt heimsækja Úkraínu Í höndum Macron að koma í veg fyrir stórsigur Le Pen Hæstiréttur segir Trump njóta friðhelgi að hluta Einn helsti rithöfundur Albaníu er allur Strangrúaðir mótmæltu herskyldu Varað við fellibylnum Beryl sem er á leið yfir Karíbahafið Kínversk geimflaug hrapaði til jarðar Flestir á því að Biden valdi ekki starfinu Sögulegur dagur fyrir frönsku þjóðina að baki „Ástæða til að hafa áhyggjur“ Franska þjóðfylkingin leiðir samkvæmt útgönguspám Vöknuðu á floti og stigu út með drulluna upp að hnjám „Fólk er einfaldlega hrætt“ Leitin að Slater blásin af Frakkar ganga að kjörborðinu Útlitið svart hjá Macron fyrir kosningar á morgun Bandarískum kjósendum líst illa á stöðuna í forsetaslagnum Ungur maður tekinn af lífi fyrir að hlusta á K-pop í Norður-Kóreu Efna til allsherjarleitar að Slater Mossack og Fonseca heitinn sýknaðir Segir Biden „algjörlega vanhæfan“ „Ég veit að ég er ekki ungur maður“ „Fíaskó næturinnar“ gæti kallað á nýjan frambjóðanda Ævilangt fangelsi fyrir morðið og nauðganirnar Biden augljóslega þyngdur af ellibelgnum Sakfelldur fyrir að myrða Emilie Meng Þakið á flugvelli í Nýju Delí hrundi vegna mikillar rigningar Biden hikandi og hás í fyrri kappræðum kosninganna Bein útsending: „Óvinsælustu frambjóðendur sem boðið hefur verið upp á“ Sjá meira
Hann er leiðtogi Izz al-Din al-Qassam-flokksins, herskás arms Hamas-samtakanna, og skipulagði árásina sem átti sér stað síðsatliðinn laugardag og hefur orsakað stríðsátökin sem ríkt hafa í Ísrael og á Gasaströndinni síðan. Franski ríkismiðillinn France 24 fjallar um sögu Deif. Þar segir að í ljósi atburða laugardagsins sé ljóst að Ísraelsmenn vilji Deif feigan, og það meira en nokkru sinni fyrr. En á sama tíma þykir líklegt að frægðarljómi hans á Gasaströndinni fari vaxandi. Arfleiðin tryggð „Með þessari aðgerð, sem er sú best heppnaða í sögu palestínskrar andspyrnusögu, hefur hann tryggt að arfleið sín verði í manna minnum um ókomna tíð. Nú getur hann misstigið sig. Ísrael getur myrt hann úr því sem komið er,“ er haft eftir Omri Brinner, sérfræðingi í málefnum Miðausturlanda. Brinner útskýrir að Deif hefur hlotið viðurnefnið „Maðurinn með níu líf“ vegna þess hve vel hann hafi komið sér undan ísraelskum stjórnvöldum um áratugaskeið. Eldflaugaárásir hafa verið áberandi í átökunum frá því um helgina. Þessi ljósmynd er tekin í kringum Gasaströndina í gærkvöldi.EPA Hann hefur verið skilgreindur sem hryðjuverkamaður af Bandaríkjunum frá árinu 2015, og verið eftirlýstur af Ísraelsríki í þrjátíu ár, en hann er sagður hafa oft og mörgum sinnum ógnað þjóðaröryggi landsins á þeim tíma. „Árásargirni gagnvart Ísrael helst yfirleitt í hendur við lágar lífslíkur. Það er hreint út sagt ótrúlegt að hann hafi haldið sér á lífi eins lengi og raunin er,“ segir Jacob Eriksson, sérfræðingur í málefnum Ísraels og Palestínu. Lemstraður eftir árás Ísraels Ástæðan fyrir þessu óvænta langlífi Mohammed Deif felst í því hversu vel honum hefur tekist að vera í felum. Til að mynda er fullyrt í grein France 24 að einungis sé til ein ljósmynd af Deif sem hefur litið dagsins ljós. Og sú mynd er tuttugu ára gömul. Hann hefur þó ekki alltaf sloppið óhultur. Deif er sagður hafa misst sjón, handlegg og fótlegg eftir árás Ísraelsmanna árið 2006. Palestínsk mæðgin ganga í rústum á Gasasvæðinu.EPA Þá liggur ekki fyrir hvert raunverulegt nafn hans er, en France 24 útskýrir að Deif þýði í raun og veru gestur. „Það er tilvísun í að hann eyðir aldrei meira en einni nótt á sama stað. Hann er alltaf á flakki til að forðast Ísraelsmenn,“ segir Eriksson. Óljós ævi Aðrar staðreyndir um ævi Deif eru á reiki, en því hefur til að mynda verið haldið fram að hann hafi fæðst á sjöunda áratug síðustu aldar í flóttamannabúðum á Gasaströndinni. Í lok níunda áratugarins hafi hann gengið til liðs við Hamas-samtökin. Hann hafi skipulagt sjálfsmorðssprengjuárás á tíunda áratugnum og í kjölfar morðsins á Yahya Ayyash, sem var einn leiðtoga Hamas, hafi Deif orðið að mikilvægum hlekk innan samtakanna. Sjö mánaða gamall sonur Deif, Ali, og eiginkona hans voru myrt í árás Ísraelsmanna árið 2014. Jarðarför sonarins vakti mikla athygli sökum fréttaljósmynda sem sýndu þegar gengið var með lík barnsins um götur Gasa. Býr ekki á lúxushóteli Mohammed Deif hefur það orð á sér að vilja einungis notast við hernaðarlegar lausnir. Brinner segir að það hafi aukið vinsældir hans á Gasaströndinni. Skoðanakönnun sem gerð hafi verið 2014 hafi bent til þess að hann væri vinsælli en helstu leiðtogar Hamas-samtakanna. Þar spili jafnframt inn í að hann búi á Gasaströndinni, sem er eitthvað sem aðrir leiðtogar Hamas eru ekki þekktir fyrir. Þvert á móti hafi sumir þeirra verið sakaðir um að stýra aðgerðum samtakana frá „lúxushótelum í Katar“.
Átök í Ísrael og Palestínu Ísrael Palestína Tengdar fréttir Óttast að spítalinn breytist í líkhús Átök Ísraela og Hamas-liða héldu áfram í nótt og í morgun. Palestínumenn segja að stærsti spítali Gasasvæðisins verði rafmagnslaus eftir fjóra daga fái þeir ekki eldsneyti til að halda rafstöðvum gangandi. Ákveðin upplýsingaóreiða ríkir vegna átakanna. 12. október 2023 12:28 Segir Gasaströndina hafa verið einangraða vegna ótta við hryðjuverkaógn Stefán Einar Stefánsson, siðfræðingur og fjölmiðlamaður, segir Ísraelsmenn hafa lokað Gasaströndina af, af ótta við hryðjuverkaógn og að allt færi úr böndunum innan ísraelskra landamæra. 10. október 2023 15:57 Fordæmdi tvístígandi þjóðarleiðtoga og hét eilífum stuðningi „Ég stend hér fyrir framan ykkur ekki aðeins sem utanríkisráðherra Bandaríkjanna heldur einnig sem gyðingur,“ sagði Antony Blinken þegar hann ávarpaði Benjamin Netanyahu, forsætisráðherra Ísrael, og ísraelsku þjóðina á blaðamannafundi fyrir stundu. 12. október 2023 11:53 Mest lesið „Enn fólk að birtast sem hafði ekki hugmynd um þetta“ Innlent Fimm grímuklæddir brutu upp útidyrahurð Innlent Enn slasast tugir í ókyrrð Erlent Orbán hyggst óvænt heimsækja Úkraínu Erlent Guðmundur Elís í þriggja ára fangelsi fyrir nauðgun Innlent Nýtt heilbrigðisvísindahús háskólans rís Innlent Mál Yazans vekur athygli erlendra fjölmiðla Innlent Ríkisstjórn ekki verið óvinsælli frá tíð Geirs Haarde Innlent Tjónvaldurinn tók varla eftir því að hafa rústað bílnum Innlent Trillan komin í land Innlent Fleiri fréttir Enn slasast tugir í ókyrrð Orbán hyggst óvænt heimsækja Úkraínu Í höndum Macron að koma í veg fyrir stórsigur Le Pen Hæstiréttur segir Trump njóta friðhelgi að hluta Einn helsti rithöfundur Albaníu er allur Strangrúaðir mótmæltu herskyldu Varað við fellibylnum Beryl sem er á leið yfir Karíbahafið Kínversk geimflaug hrapaði til jarðar Flestir á því að Biden valdi ekki starfinu Sögulegur dagur fyrir frönsku þjóðina að baki „Ástæða til að hafa áhyggjur“ Franska þjóðfylkingin leiðir samkvæmt útgönguspám Vöknuðu á floti og stigu út með drulluna upp að hnjám „Fólk er einfaldlega hrætt“ Leitin að Slater blásin af Frakkar ganga að kjörborðinu Útlitið svart hjá Macron fyrir kosningar á morgun Bandarískum kjósendum líst illa á stöðuna í forsetaslagnum Ungur maður tekinn af lífi fyrir að hlusta á K-pop í Norður-Kóreu Efna til allsherjarleitar að Slater Mossack og Fonseca heitinn sýknaðir Segir Biden „algjörlega vanhæfan“ „Ég veit að ég er ekki ungur maður“ „Fíaskó næturinnar“ gæti kallað á nýjan frambjóðanda Ævilangt fangelsi fyrir morðið og nauðganirnar Biden augljóslega þyngdur af ellibelgnum Sakfelldur fyrir að myrða Emilie Meng Þakið á flugvelli í Nýju Delí hrundi vegna mikillar rigningar Biden hikandi og hás í fyrri kappræðum kosninganna Bein útsending: „Óvinsælustu frambjóðendur sem boðið hefur verið upp á“ Sjá meira
Óttast að spítalinn breytist í líkhús Átök Ísraela og Hamas-liða héldu áfram í nótt og í morgun. Palestínumenn segja að stærsti spítali Gasasvæðisins verði rafmagnslaus eftir fjóra daga fái þeir ekki eldsneyti til að halda rafstöðvum gangandi. Ákveðin upplýsingaóreiða ríkir vegna átakanna. 12. október 2023 12:28
Segir Gasaströndina hafa verið einangraða vegna ótta við hryðjuverkaógn Stefán Einar Stefánsson, siðfræðingur og fjölmiðlamaður, segir Ísraelsmenn hafa lokað Gasaströndina af, af ótta við hryðjuverkaógn og að allt færi úr böndunum innan ísraelskra landamæra. 10. október 2023 15:57
Fordæmdi tvístígandi þjóðarleiðtoga og hét eilífum stuðningi „Ég stend hér fyrir framan ykkur ekki aðeins sem utanríkisráðherra Bandaríkjanna heldur einnig sem gyðingur,“ sagði Antony Blinken þegar hann ávarpaði Benjamin Netanyahu, forsætisráðherra Ísrael, og ísraelsku þjóðina á blaðamannafundi fyrir stundu. 12. október 2023 11:53