Viðskipti innlent

Bein út­sending: Ný­sköpunar­þing 2023 - Líf í líf­vísindum

Atli Ísleifsson skrifar
Áslaug Arna Sigurbjörnsdóttir, háskóla-, iðnaðar- og nýsköpunarráðherra, mun á þinginu veita Nýsköpunarverðlaun Íslands 2023.
Áslaug Arna Sigurbjörnsdóttir, háskóla-, iðnaðar- og nýsköpunarráðherra, mun á þinginu veita Nýsköpunarverðlaun Íslands 2023. Vísir/Arnar

Hugverkastofan, Rannís, Íslandsstofa og Nýsköpunarsjóður atvinnulífsins standa fyrir Nýsköpunarþingi 2023 sem fram fer í Grósku milli klukkan 13:30 og 15:00. Á þinginu verður kastljósinu beint að nýsköpunarfyrirtækjum sem starfa á sviði líf- og heilbrigðisvísinda.

Hægt verður að fylgjast með þinginu í spilaranum að neðan. 

Í tilkynningu frá Hugverkastofu segir stofnendur og stjórnendur Íslenskrar erfðagreiningar, Kerecis, Alvotech, NOX Medical, Sidekick Health, BIOEFFECT og Oculis muni fjalla um árangur sinna fyrirtækja frá mismunandi sjónarhóli. 

Öflug nýsköpun á sviði líf- og heilbrigðisvísinda hefur leitt af sér þúsundir hátæknistarfa og milljarða í útflutningstekjur. Samfélagslegt mikilvægi þessara fyrirtækja er einnig mikið því starfsemi þeirra bjargar mannslífum, bætir heilsu og eykur lífsgæði fólks um allan heim.

Að erindum loknum mun Áslaug Arna Sigurbjörnsdóttir, háskóla-, iðnaðar- og nýsköpunarráðherra, veita Nýsköpunarverðlaun Íslands 2023,“ segir í tilkynningunni.

Hægt er að fylgjast með þinginu í spilaranum að neðan.

Dagskrá:

13:30 Setning - Áslaug Arna Sigurbjörnsdóttir, háskóla-, iðnaðar- og nýsköpunarráðherra

13:35 Aðalerindi

  • Brautryðjandinn - Kári Stefánsson, forstjóri Íslenskrar erfðagreiningar
  • Einhyrningurinn - Guðmundur Fertram Sigurjónsson, forstjóri Kerecis

14:05 Styttri erindi

  • Lilja Kjalarsdóttir, forstöðumaður rekstrar og stefnumótunar í rannsókna- og þróunardeild Alvotech
  • Einar Stefánsson, stofnandi Oculis
  • Sæmundur Oddsson, meðstofnandi og framkvæmdastjóri lækninga og rannsókna Sidekick Health
  • Berglind Johansen, framkvæmdastjóri sölusviðs BIOEFFECT
  • Sveinbjörn Höskuldsson, þróunarstjóri Nox Medical

14:45 Afhending Nýsköpunarverðlauna Íslands 2023

  • Áslaug Arna Sigurbjörnsdóttir, háskóla-, iðnaðar- og nýsköpunarráðherra

Fundarstjóri: Borghildur Erlingsdóttir, forstjóri Hugverkastofunnar

Nýsköpun Heilbrigðismál Líftækni


Mest lesið


Fleiri fréttir

Sjá meira


×

Mest lesið