Samtök Píeta opna aðstöðu á Ísafirði

Fram kemur í tilkynningu frá samtökunum að í skjólinu muni samtökin geta tekið viðtöl í hlýlegu herbergi. 

Fulltrúar Píeta samtakanna, heilbrigðisþjónustu, forsvarsmenn sveitarfélaga og ýmsir aðrir hafi komið saman við opnun Píetaskjólsins í dag. Jorgo Vougiouklakis læknir og fagaðili Píeta og Anna Lára Jónsdóttir, bæjarstjóri Ísafjarðar, klipptu á borða í tilefni opnunarinnar. 

Opnun Píetaskjólsins á Ísafirði er liður í að breiða út þjónustu samtakana og segir í tilkynningu að eftir opnun Píeta árið 2018 hafi eftirspurn eftir þjónustu samtakanna aukist mjög. 

„Píeta samtökin veita hjálp, aðgengilega þjónustu, stuðning og meðferð fyrir þá sem eru í sjálfsvígshættu og brú í úrræði fyrir aðra. Þjónustan er með öllu gjaldfrjáls og stedur til boða öllum þeim sem náð hafa átján ára aldri og viðtölin eru fyrir fólk með sjálfsvígshugsanir eða sjálfsskaða og aðstandendur þeirra.“