Myndaveisla: „Við erum ennþá nákvæmlega sömu gaurarnir“

Á þeim tíma hafa Úlfarnir báðir gift sig og eignast börn. 

Hafa einhverjar breytingar orðið á lögunum ykkar með tilkomu nýrra hlutverka í lífinu?

„Já og nei. Við erum ennþá nákvæmlega sömu gaurarnir og það er ekki endilega margt á Hamfarapopp sem mun koma fólki á óvart. En við erum orðnir mýkri, það er bara þannig,“ segir Arnar og bætir við:

„Þessi plata er hlýrri en hinar, meira af ást og poppi og aðeins minni drungi en áður.”

Arnar og Helgi segja efnistök laganna vera svipaða og á fyrri plötum þar sem rauði þráðurinn í gegnum plöturnar er að  segja sögur af hversdagsleikanum og samtímanum.

„Titillinn vísar í nákvæmlega það sem hann er. Popptónlist á tímum hamfara. Við höfum alltaf gert lög sem fjalla um leit að tilgangi í heimi sem skíðlogar og verið mjög heitt í hamsi. Eins og í Brennum allt. Við leggjum ekki til að brenna alveg allt á Hamfarapopp,” segir Helgi.

Ellefu óhappatala Helga

Nýútgefin plata samanstendur af tólf lögum sem var unnin í samstarfi við Þormóð Eiríksson, pródúsent. 

„Eftir að hafa legið tveir yfir þessum lögum var gott að fá fersk eyru frá þeim besta í bransanum. Hann fékk blessun okkar til að nánast eiga við lögin að vild og að lokum bættum við einu lagi við plötuna sem hann á alveg. Mér fannst ellefu lög heldur ekki meika sens, það er óhappatalan mín,” segir Helgi.

Úlfarnir buðu í partý

Margt var um mannin í útgáfuteiti Úlfana sem fór fram á Pósthús Mathöll. Líkt og myndirnar gefa til kynna var mikil gleði í sannkallaðri tónlistarveislu.