Bjóða stuðnings­mönnum sínum frítt ferða­lag á jóla­leikinn

Leikurinn átti upphaflega að fara fram á Þorláksmessu en leikurinn var færður aftur um einn dag og verður fyrsti leikurinn sem er spilaður á aðfangadag í næstum því þrjátíu ár.

Leikurinn á að hefjast klukkan 13.00 að enskum tíma. Síðasti leikur í ensku úrvalsdeildinni á aðfangadag var leikur sem fór fram 24. desember 1995. Leeds United vann þá 3-1 sigur á Manchester United.

Chelsea hefur ákveðið að koma til móts við stuðningsmenn sína og bjóða þeim frítt far á leikinn. Það er ekki aðeins spurning um kostnað við það að komast þangað heldur eru einnig takmarkaðir ferðamöguleikar í boði.

„Félagið gerir sér grein fyrir því að möguleikar til ferðalaga eru takmarkaðir á svona degi þar sem að þetta er ekki aðeins sunnudagur heldur einnig aðfangadagur,“ sagði í yfirlýsingu Chelsea.

„Sem vottur um þakklæti okkar til þeirra stuðningsmanna sem ætla í þetta ferðalag þá mun Chelsea Football Club bjóða þeim frítt ferðalag svo framarlega sem þeir eru með miða á leikinn,“ sagði í yfirlýsingunni.

Stuðningsmennirnir geta pantað sér sæti í rútunni um leið og miðarnir fara í sölu.