Rann­saka sér­stak­lega kaup Chelsea á Eto'o og Willi­an

Knattspyrnusamband Evrópu, UEFA, sektaði Chelsea um 8,6 milljónir í júlí fyrir brot á rekstrarreglum en þetta kom til vegna skorts á skilum á upplýsingum um rekstur félagsins frá 2012 til 2019.

UEFA fékk að vita af brotunum frá nýju eigendum Chelsea, Clearlake fjárfestingafélaginu, eftir að þeir keyptu Chelsea í maí 2022. Þeir létu ensku úrvalsdeildina einnig vita á sama tíma.

Leikmennirnir voru keyptir af rússneska félaginu Anzhi Makhachkala í lok ágúst fyrir tíu árum síðan. Chelsea borgaði Anzhi 30 milljónir punda fyrir Willian 28. ágúst 2013 og keypti Samuel Eto'o síðan á tvær milljónir punda daginn eftir.

Willian lék með Chelsea í sjö tímabil eða til ársins 2020 en Eto'o aðeins þetta eina tímabil. Árið eftir samdi Kamerúnmaðurinn við Everton.