Handbolti

Afturelding og HK mætast í bikarnum annað árið í röð

Ingvi Þór Sæmundsson skrifar
Afturelding á titil að verja í Powerade-bikar karla í handbolta.
Afturelding á titil að verja í Powerade-bikar karla í handbolta. vísir/hulda margrét

Annað árið í röð mætast Afturelding og HK í sextán liða úrslitum Powerade-bikars karla í handbolta.

Afturelding vann HK, sem var þá í Grill 66-deildinni, í sextán liða úrslitum Powerade-bikarsins á síðasta tímabili eftir framlengdan leik og vítakastkeppni. Mosfellingar fóru svo alla leið og urðu bikarmeistarar í fyrsta sinn í 24 ár.

Afturelding og HK mætast aftur í sextán liða úrslitum Powerbikarsins í ár. Dregið var í sextán liða úrslitin í dag.

Einn annar Olís-deildarslagur er í sextán liða úrslitunum. Íslandsmeistarar ÍBV mæta Fram í Vestmannaeyjum. Rúnar Kárason mætir þar sínum gömlu félögum en hann var valinn leikmaður ársins þegar Eyjamenn urðu Íslandsmeistarar á síðasta tímabili. Eftir það gekk hann í raðir Fram.

Í sextán liða úrslitunum er einnig Hafnarfjarðarslagur en ÍH tekur á móti Haukum. FH sækir ÍR heim.

Leikirnir í sextán liða úrslitum Powerade-bikars karla fara fram 17.-18. nóvember næstkomandi.

Sextán liða úrslit Powerade-bikars karla

  • ÍBV 2 – Val­ur
  • ÍH – Hauk­ar
  • Þór Ak­ur­eyri – Sel­foss
  • ÍR – FH
  • Víðir – Stjarn­an
  • Fjöln­ir – KA
  • Aft­ur­eld­ing – HK
  • ÍBV – Fram
Powerade-bikarinn

Mest lesið


Fleiri fréttir

Sjá meira


×

Mest lesið