Osteostrong er mín björgun

Ég hélt að ég þyrfti að sætta mig við þreytuverki

Um svipað leyti og þau fluttu fyrir tuttugu árum fór Elín að finna fyrir seiðingi neðst í hryggjalið. Í kjölfarið fylgdu þreytuverkir í taugum, vöðvum og sinum sem styðja við hryggsúluna. Í tilfelli Elínar skilaði það sér í lélegri líkamsstöðu og leið brjóstbakið fyrir það. Með tímanum olli það útbungun á brjóski neðst í mjóbaki og segir Elín að það hafi verið orðið að vana að strjúka niður eftir bakinu yfir bunguna eftir mikla áreynslu.

„Ég get alveg þakkað fyrir góða heilsu þrátt fyrir að ég hafi verið farin að finna seyðingi og þreytuverkjum neðst í mjóbaki og upp í brjóstbak eftir langa daga við púl í garðinum og krefjandi gönguferðir. Ég var orðin örlítið hokin og hugsaði að maður myndi bogna með aldrinum, enda orðin rúmlega sextug. Ég átti orðið erfitt með að trekkja bensín sláttuvélina í gang og þreyttist orðið í baki við lyfta hjólbörum. Ég hélt að það væri bara eðlilegt og kenndi því um ég væri að eldast og ég þyrfti bara að sætta mig við það. Allskonar kvillar gætu farið að gera vart við sig og eitt myndi leiða af öðru. 

Svo fóru frændi minn og amma í aðgerð á sínum tíma til að láta skipta um mjaðmakúlur og ég var handviss um að það biði mín líka. Þrátt fyrir góðar niðurstöður úr beinþéttnimælingu nokkrum árum fyrr, var sú hugsun farin að læðast að mér æ oftar að ekki væri víst að svo yrði eftir eitt ár eða fimm ár, en ég vildi tryggja að svo yrði áfram,“segir Elín og brosir.

Eftir prufutímann var ekki aftur snúið

Í gegnum árin var Elín búin að prófa líkamsræktarstöðvarnar en fann sig ekki þar. Útiveran, göngutúrarnir og garðyrkjustörfin heilluðu hana meira. Hún vissi þó að hún þyrfti að bæta úr því og þá sérstaklega huga að reglubundnum styrktaræfingum. Fyrir tveimur árum var hún því farin að líta í kringum sig en fann ekkert sem hentaði.

„Þá heyrði ég viðtal í útvarpinu við Svönu eiganda Osteostrong þar sem hún var að segja frá þeirra frábæra starfi. Það var til þess að áhugi minn var vakinn og ég vissi að þetta væri eitthvað fyrir mig. Nokkru síðar skellti ég mér í prufutíma og þá var ekki aftur snúið. Mér var sagt að árangur kæmi í ljós eftir þrjá mánuði þannig að ég keypti mér þriggja mánaða kort án þess að hugsa mig tvisvar um. Ég lofaði sjálfri mér að gefa líkamanum þann tíma áður en ég byrjaði að taka aðrar æfingar annars staðar. 

Nú er ég 66 ára gömul og búin að stunda Osteostrong í rúmt ár og hef aldrei litið til baka né liðið betur og ætla að gera þetta áfram svo lengi sem ég skrönglast um,“ segir Elín.

„Ert þú að stækka?“

Eftir þriggja mánaða ástundun fór Elín að finna mun á sér. Hún fann hvernig orkan magnaðist og hversu vel henni leið eftir æfingarnar. Eftir ársþjálfun hjá Osteostrong segist hún varla geta lýst breytingunni sem hefur orðið á sér.

„Já eftir 3 mánuði fór ég að finna mun á mér en þorði ekki að trúa því. Stór hluti af mér er nú kominn til baka og ég er orðin bæði sterkari og stöðugri. Í vor tók ég eftir því þegar ég strauk niður eftir mjóbakinu af gömlum vana að bungan var horfin! Eins lygilegt og það hljómar hefur hún alveg gengið til baka ásamt þreytuverkjunum sem ég var farin að finna fyrir á kvöldin. Ég hef bætt jafnvægið mikið en í byrjun var ég eins og titrandi strá í vindi þegar ég gerði jafnvægisæfingarnar.

 Ég finn mun á líkamsbyggingunni og hef aukið styrk og þrek það mikið að mér líður eins og ég sé í nýjum líkama. Nú get ég lyft upp þungum hjólbörum, mokað og rifið upp tré með rótum og finn ekki fyrir því. 

Í sumar þegar ég var að vinna í garðinum fór ég aftur út eftir kvöldmat og vann áfram til miðnættis en það hafði ekki komið fyrir lengi. Ég finn að ég hef mótast mikið og bætt líkamsstöðuna því ég ber mig miklu betur og rétti greinilega orðið vel úr mér. Ég hafði ekki tekið eftir því sjálf fyrr en ein samstarfskona mín spurði mig hvort ég væri að stækka,“ segir Elín og hlær.

Minn gullmiði að bættri heilsu

Það eru ekki bara vöðvarnir sem finna fyrir átakinu heldur taugakerfið líka því tenging er þar á milli. Líkamleg vellíðan hefur áhrif á andlegu hliðina og öfugt. Elín nefnir þessi góðu áhrif og finnur mun á geðslaginu.

„Lundin er svo miklu léttari. Að vera verkjalaus veitir manni svo mikinn frið svo maður tali ekki um gleðina sem fylgir því. Maður verður svo yfirmáta glaður þegar maður getur allt orðið sjálfur og þarf ekki biðja um aðstoð við ýmislegt. 

Nú set ég sláttuvélina í gang við fyrsta tog,“ bætir hún við sigri hrósandi.

Elín segist hlakka til alla vikuna að mæta á æfingar og er sannfærð um að Osteostrong hafi verið hennar björgun.

„Ég var ekki með neinar efasemdir og tók strax ákvörðun. Þessu tækifæri ætlaði ég ekki að sleppa því ég þurfti að hugsa um mína framtíð og heilsu. Þegar ég fékk blaðið í hendurnar eftir prufutímann fannst mér eins og ég væri með gullmiða í höndunum.“

Ef þú vilt gera eitthvað gott fyrir þinn líkama þá gerir þú þetta

Elín talar um að margir á hennar aldri sem vinna líkamlega vinnu og fari í daglegar gönguferðir telji það næga hreyfingu. Fyrir marga er það ekki nóg og ef ekkert er gert fara ýmiss stoðkerfis vandamál að banka upp á.

„Ég vil bara segja við þá sem eru eitthvað hikandi og leitandi að drífa sig af stað. Heilsan er svo dýrmæt og það þarf að halda í hana eins lengi og unnt er. Það er ekki eftir neinu að bíða. Hentu prjónadótinu, tölvunni og símanum út í horn og pantaðu prufutíma. Andrúmsloftið er svo notalegt og móttökurnar yndislegar. Starfsfólkið tekur vel á móti þér og veitir frábæra tilsögn. Þér er fylgt eftir og leiðbeint af fagmennsku þar sem passað er upp á rétta líkamsbeitingu við æfingarnar. 

Þegar maður finnur eitthvað sem passar manni á maður að stökkva á það og í mínu tilviki er það Osteostrong sem er eins og klæðskera sniðið að mínum þörfum. Mín meðmæli og skilaboð eru þau að ef þú vilt gera eitthvað gott fyrir sjálfan þig eða gefa þér dýrmæta gjöf þá er Osteostrong svarið.“