Bleikt og nota­legt hjá Binna Glee

Binna Glee sendi inn umsókn í þættina þar sem hann óskaði eftir aðstoð við að gera stúdíóíbúðina sína meira notalega.

Þættirnir verða sex rétt eins og í hinum seríunum og koma inn vikulega á Vísi og á Stöð2+.

Þáttinn í heild sinni má sjá í spilaranum hér fyrir neðan:

Gefum Soffíu Dögg orðið.

Íbúðin er alls ekki stór en mjög svo þægileg og björt og það þurfti bara finna leið til þess að nýta gólfpláss betur þar sem allur svefnhlutinn fór í raun bara undir rúmið sem að hann þurfti svo að skáskjóta sér fram hjá. 

Rúmið hans áður var 180 cm sem honum fannst of stórt. Við færðum okkur í rúm sem var 140 cm og það breytti hreinlega öllu.

Við vegginn hjá rúminu setti ég hilluna hans Binna sem hann átti fyrir. Geggjaður staður til þess að vera með plötuspilara og plöturnar sínar, auk þess að vera bara með smávegis skrautbirgðar. 

Vegggrindin getur síðan verið bara til skrauts eða gagns, hægt að hengja á hana blóm og myndir – nú og svo sólgleraugu og eitt og annað smálegt.

Í kringum borðstofuborðið var hann með stóla, en hvergi annar staðar. Sjálfri finnst mér t.d. mjög óþægilegt að fara á hótelherbergi sem býður ekki upp á annan stað að setja á en rúmið sjálft, og vildi endilega reyna að finna lausn sem gæti lagað þetta fyrir hann.

Eftir miklar pælingar, þá varð útkoman þessi hérna. Dálítið meira kósý pláss sem er með setuaðstöðu og alls konar fallegum stöðum til þess að vera á.