Golf

Ökklinn hættur að stríða Tiger en önnur meiðsli komið í staðinn

Ingvi Þór Sæmundsson skrifar
Tiger Woods hefur unnið fimmtán risamót á glæstum ferli.
Tiger Woods hefur unnið fimmtán risamót á glæstum ferli. getty/Christian Petersen

Tiger Woods kennir sér ekki lengur meins í ökklanum sem urðu til þess að hann þurfti að draga sig úr keppni á Masters-mótinu í vor. Önnur meiðsli hafa hins vegar komið í staðinn.

Tiger gekkst undir aðgerð á ökklanum og hefur fengið bót meina sinna þar. Hann gengur samt ekki alveg heill til skógar.

„Ökklinn er fínn. Ég hef ekki glímt við nein vandræði síðan þeir settu hann saman. Verkurinn er algjörlega farinn,“ sagði Tiger.

„En ég glími enn við vandamál í svæðunum í kringum ökklann. Þú lagar eitt og þá eykst álagið á önnur svæði sem skapar vandamál.“

Tiger hefur ekki keppt síðan hann dró sig úr keppni á þriðja degi Masters í apríl. Hann hafði þá komist í gegnum niðurskurðinn í 23. sinn sem er met.

Golf

Mest lesið


Fleiri fréttir

Sjá meira


×

Mest lesið