Á­tjándi sigur Ver­stappen eftir mikla spennu

Það var Charles Leclerc á Ferrari sem byrjaði á ráspól í Las Vegas í nótt en Verstappen í öðru sætinu. Kappaksturinn í nótt var nokkuð dramatískur og þurfti öryggisbíllinn að koma út á brautina í tvígang.

Verstappen fékk refsingu þegar hann fór í sitt fyrsta þjónustuhlé. Hann tók þá fram úr Leclerc á ólöglegan hátt og þurfti Ferrariökumaðurinn að fara út fyrir brautina. Verstappen fékk fyrir þetta fimm sekúndna refsingu. Verstappen lenti einnig í árekstri við George Russel á Mercedes en Russel fékk refsingu fyrir það atvik.

Verstappen nýtti sér það hins vegar vel þegar öryggisbíllinn kom út. Hann skipti um dekk og á nýjum dekkjum náði hann loks að taka fram úr Leclerc þegar þrettán hringir voru eftir af keppninni.

Max Verstappen hefur nú unnið 18 sigra á tímabilinu og 53 sigra alls á ferlinum og er þar með búinn að jafna Sebastian Vettel í þriðja sæti yfir sigursælustu ökuþóra allra tíma.

Sergio Perez á Red Bull varð þriðji á eftir Verstappen og Leclerc og með því tryggir hann sér annað sætið í keppni ökuþóra og tvöfaldan sigur Red Bull á tímabilinu.

Úrslit keppninnar í Las Vegas

1. Max Verstappen, Red Bull

2. Charles Leclerc, Ferrari

3. Sergio Perez, Red Bull

4. Esteban Ocon, Alpine

5. Lance Stroll, Aston Martin

6. Carlos Sainz, Ferrari

7. Lewis Hamilton, Mercedes

8. George Russell, Mercedes

9. Fernando Alonso, Aston Martin

10. Oscar Piastri, McLaren