Handbolti

HM í hand­bolta: Þýska­land marði Japan

Runólfur Trausti Þórhallsson skrifar
Amelie Berger og Katharina Filter markvörður fagna sigri kvöldsins.
Amelie Berger og Katharina Filter markvörður fagna sigri kvöldsins. EPA-EFE/Claus Fisker

Fjórum af leikjum dagsins á HM kvenna í handbolta er nú lokið. Ísland tapaði fyrir Slóveníu en á sama tíma vann Þýskaland eins marks sigur á Japan, Svartfjallaland rúllaði yfir Kamerún og Holland skoraði 41 mark gegn Argentínu.

Í B-riðli tók Svartfjallaland á móti Kamerún og var strax ljóst hvort liðið myndi fara með sigur af hólmi. Kamerún skoraði aðeins tvö mörk í fyrri hálfleik og aðeins 11 allan leikinn, lokatölur 25-11.

Í F-riðli vann Þýskaland eins marks sigur á Japan í stórskemmtilegum leik, lokatölur 31-30. Sigurmarkið skoraði Xenia Smith þegar tæpar tvær sekúndur voru til leiksloka.

Alina Grijseels var markahæst í liði Þýskalands með sjö mörk en Natsuki Aizawa var markahæst í liði Japans með 10 mörk.

Í H-riðli vann Holland stórsigur á Argentínu, lokatölur 41-26. Estevana Polman var markahæst í liði Hollands með sjö mörk og Dione Housheer kom þar á eftir með sex mörk. Hjá Argentínu var Manuela Pizzo markahæst með fimm mörk.

Handbolti HM karla í handbolta 2023

Tengdar fréttir

Mest lesið


Fleiri fréttir

Sjá meira


×

Mest lesið