Fótbolti

Kristian Nökkvi lagði upp í súru tapi

Runólfur Trausti Þórhallsson skrifar
Lét til sín taka.
Lét til sín taka. Sebastian Frej/Getty Images

Ajax á enga möguleika á að komast áfram í Evrópudeildinni eftir 4-3 tap gegn Marseille í kvöld. Kristian Nökkvi Hlynsson lét til sín taka eftir að koma inn af bekknum.

Pierre-Emerick Aubameyang kom Marseille yfir með marki úr vítaspyrnu á 9. mínútu en Brian Brobbey jafnaði metin aðeins mínútu síðar. Chancel Mbemba kom heimamönnum yfir á nýjan leik en aftur jafnaði Brobbey metin, staðan 2-2 í hálfleik.

Aðeins voru liðnar tvær mínútur af síðari hálfleik þegar Aubameyang kom heimamönnum yfir á nýjan leik. Steven Berghuis hafði lagt upp bæði mörk Ajax í leiknum til þessa en hann fékk beint rautt spjald á 63. mínútu.

Gestirnir létu það ekki á sig fá en á 79. mínútu jafnaði Chuba Akpom metin fyrir Ajax. Kristian Nökkvi hafði komið inn af bekknum í hálfleik, fengið gult á 76. mínútu og gaf svo stoðsendingu þremur mínútum síðar. Lífleg innkoma hjá þessum unga og efnilega miðjumanni.

Það var hins vegar Aubameyang sem stal senunni þegar hann fullkomnaði þrennu sína, aftur með marki úr vítaspyrnu, í uppbótartíma. Lokatölur 4-3 og Marseille komið á B-riðils sem þýðir að liðið er komið áfram. Nú á bara eftir að koma í ljós hvort liðið fer beint í 16-liða úrslit.

Önnur úrslit

  • BK Hacken 0-2 Bayer Leverkusen
  • Molde 2-2 Qarabag
  • Rangers 1-1 Aris
  • Servette 1-1 Roma
  • Sheriff Tiraspol 2-3 Slavia Prag
  • Toulouse 0-0 Royal Union SG
  • Villareal 3-2 Panathinaikos
Embed: Öruggt hjá Liver­pool sem er komið á­fram - Vísir
https://www.visir.is/g/20232496855d/oruggt-hja-liverpool-sem-er-komid-afram

Sambandsdeild Evrópu

  • Aston Villa 2-1 Legia Varsjá
  • Cukaricki 1-2 Ferencvaros
  • Eintracht Frankfurt 1-2 PAOK
  • Fiorentina 2-1 Genk
  • Nordsjælland 6-1 Fenerbahce
  • Trnava 1-2 Ludogorets
Fótbolti Sambandsdeild Evrópu Evrópudeild UEFA

Tengdar fréttir

Robbie Keane rauk úr viðtali eftir leikinn gegn Breiðablik

Maccabi Tel Aviv sótti 2-1 sigur gegn Breiðablik í 5. umferð riðlakeppni Sambands-deildarinnar. Írska knattspyrnugoðsögnin Robbie Keane þjálfar liðið og gaf sig til tals við undirritaðan strax að leik loknum en rauk út þegar talið barst að ísraelska fánanum sem leikmaður liðsins flaggaði við fögnuð opnunarmarksins. 

Brighton upp úr riðlinum

Brighton & Hove Albion er komið upp úr riðli sínum í Evrópudeildinni í knattspyrnu. Enn á þó eftir að koma í ljós hvort liðið vinnur riðilinn og fer beint í 16-liða úrslit eða hvort Marseille steli toppsætinu.

Mest lesið


Fleiri fréttir

Sjá meira


×

Mest lesið