Schumacher getur gert vissa hluti en „ekkert er eins og það var“

Michael Schumacher hefur ekki sést opinberlega síðan, lítið hefur komið fram um ástand hans annað en að það sé slæmt, almennt er talið hann að geti hvorki tjáð sig né gengið en engin skýrsla hefur verið gefin út og fjölskylda hans hefur haldið málinu leyndu frá almenningi. 

Nú nýlega hefur hins vegar borið á að þeir sem þekkja til Michaels tjái sig um ástand hans. Ralf Schumacher steig nýverið fram í viðtali þar sem hann sagði lífið ósanngjarnt og ekkert vera lengur eins og það var. 

„Örlög hans breyttu lífi okkar allra. Því miður er lífið ekki alltaf sanngjarnt og maður getur upplifað alls kyns óheppni. Michael er ekki bara bróðir minn, þegar við vorum yngri var hann þjálfarinn og mín helsta fyrirmynd... Ég sakna Michaels sem ég þekkti þá, lífið er ósanngjarnt, Michael var oft heppinn í lífinu en svo gerðist slysið. Sem betur fer gera læknarvísindin honum kleift að gera suma hluti, en samt, ekkert er eins og það var“ sagði Ralf í viðtali við Bild.