Morgunæfingar og mat­reiðslu­nám­skeið á heilsudögum Hag­kaups

„Það verða ótal kynningar í verslunum okkar á heilsudögum og um að gera að koma og smakka ýmsar kræsingar sem í boði verða,“ segir segir Eva Laufey Kjaran, markaðsstjóri Hagkaups. 

„Við fengum hinn frábæra Villa Netó með okkur í lið sem andlit heilsudaga ásamt fleiri frábærum einstaklingum, fjölbreyttum hópi fólks því heilsa er fyrir okkur öll – það má segja að það sé þemað í ár og hefur kannski aldrei verið jafn mikilvægt. Skammdegið er mikið og hörmungar bæði hér á landi og erlendis dynja yfir og því mikilvægara sem aldrei fyrr að huga vel og hlúa vel að sjálfum sér allan ársins hring. Heilsa er ekki bara janúarsprettur, við viljum koma þeim skilaboðum áleiðis til okkar viðskiptavina.“ 

Eva segir Íslendinga meðvitaða um heilsuna og heilsudagarnir njóti vaxandi vinsælda ár frá ári.

„Við höfum verið með heilsudaga tvisvar á ári frá árinu 2012, í janúar og september og viðtökurnar hafa verið gríðarlega góðar. Við sjáum sífellt aukningu og tökum því svo sannarlega ekki sem sjálfsögðum hlut. Við leggjum mikinn metnað í þessa daga og bjóðum upp á góð verð ásamt því að bjóða upp á fræðslu sem tengist heilsu og búa til gleði úr þessu enda á það að hugsa um heilsuna – andlega sem og líkamlega, að vera gleðilegt.

Yfir þúsund vörur á sérstöku tilboði

„Við erum með mjög fjölbreytt úrval af vörum sem tengjast heilsu á þessum dögum og þá má nefna próteinvörur, mjólkurvörur, vítamín, bökunarvörur, ilmolíur og svo mætti lengi telja.Listinn er langur enda eru yfir þúsund vörur á sérstöku tilboði í öllum verslunum Hagkaups frá 18.janúar – 4.febrúar. Afslátturinn er frá 15% - 50% ásamt því að vera með góð verðtilboð á einstaka vörum.“

Fjölbreyttir viðburðir

„Við nýtum þessa daga í að búa til skemmtilega viðburði og efni sem við getum deilt áfram til okkar viðskiptavina. Við bjóðum upp á matreiðslunámskeið með Ellu Stínu þar sem hún kennir og kynnir fyrir okkur hennar frábæru vörum sem slegið hafa í gegn.

Systurnar Anna Marta og Lovísa verða einnig með matreiðslukvöld og kynna sínar vörur og sýna okkur listir sínar í eldhúsinu. Það verður boðið upp á golfkennslu í golfhermi, kírópraktorar verða meðal annars í verslunum okkur sem gefa ráð, morgunæfingar í samstarfi við birgja og fleira sem við kynnum til leiks á næstu dögum. 

Við munum auglýsa dagskrána vel þegar nær dregur og hvetjum alla til þess að mæta á viðburðina. Takmarkað pláss er á hvern viðburð en við erum með fjölbreytta dagskrá og flestir ættu að finna sér eitthvað við sitt hæfi, gjaldfrjálst.

Einnig verða kynningar á hinum ýmsu vöru á meðan dögunum stendur og skemmtileg stemningu í verslunum okkar. Við getum hreinlega ekki beðið eftir því að taka á móti okkar frábæru viðskiptavinum á heilsudögum,“ segir Eva Laufey.