Hádegisfréttir Bylgjunnar

Þá heyrum við í veðurfræðingi en gular viðvaranir eru víða í gildi um sunnan- og vestanvert landið í dag. Spáð er dimmum éljum og að samgöngur gætu farið úr skorðum tímabundið.

Safnanótt er haldin hátíðleg í kvöld og við fræðumst um það helsta sem í boði er en viðburðurinn er hluti af Vetrarhátíð sem nú stendur yfir. 

Í íþróttapakkanum er fjallað um klúður tengt Reykjavíkurmótinu í knattspyrnu en KR tryggði sér titilinn í gær en gæti þurft að sjá á eftir honum í hendur Valsmanna þar sem einn leikmaður þeirra var ekki löglegur í leiknum.