Myndaveisla: Spennu­þrungin stemmning á undanúrslitakvöldinu

Ólíkt fyrri þáttum var ekkert þema heldur áttu keppendur að flytja eitt ástarlag og eitt lag sem dómarar höfðu valið fyrir þau. Eins og síðustu þrjú úrslitakvöld voru örlög keppenda í höndum áhorfenda en ekki dómara og munu úrslitin í næstu viku ráðast í símakosningu.

Úrslitin af Idol fara fram næsta föstudagskvöld og verða í beinni útsendingu á Stöð 2. Þá keppa þau Jóna Margrét, Björgvin og Anna Fanney um sigursætið.

Líkt og eftirfarandi myndir gefa til kynna var gríðarleg stemmning síðastliðið föstudagskvöld.