Hádegisfréttir Bylgjunnar

Verulega hefur dregið úr einkaneyslu og hagvöxtur fer hratt minnkandi enda hafa raunvextir hækkað töluvert frá því í júní í fyrra.

Einnig verður rætt við þrjár íslenskar konur sem í gær tókst að koma palestínskri fjölskyldu sem hafði verið innlyksa á Gasa yfir landamærin í Rafah og til Kaíró í Egyptalandi. 

Að auki tökum við stöðuna á jarðhræringum á Reykjanesskaga en nokkuð hefur verið um smáskjálfta við Grindavík í dag. 

Í íþróttapakka dagsins verður fjallað um aðstöðuvanda hjá knattspyrnuliði Vestra sem spilar í Bestu deildinni næsta sumar og þá eru stjórnendur KSÍ ósáttir við að fá ekki úthlutað úr afrekssjóði ÍSÍ.