Gos við Grinda­vík og tekist á um TM

Við tökum stöðuna í hádegisfréttum okkar og ræðum við lögreglustjórann og sérfræðing Veðurstofunnar. 

Einnig fjöllum við um deilurnar um sölu TM til Landsbankans. Þingmaður Pírata er gagnrýninn á málið og hvernig það hefur þróast. 

Þá verður rætt við Umboðsmann skuldara en umsóknum til embættisins hefur farið fjölgandi og þá fjölgar fólki í sambúð sem þarfnast aðstoðar. 

Í íþróttapakka dagsins verða mál knattspyrnumannsins Alberts Guðmundssonar í brennidepli en niðurfelling á kynferðisbrotamáli gegn honum var kærð í morgun. Hann verður þó í landsliðshópnum í komandi verkefni.