NFL-stjarna á tíu börn og hefur eignast fjögur síðasta árið

Í viðtali á YouTube-rásinni Million Dollaz Worth of Game var Hill spurður hvort hann ætti tíu börn. Hann virtist kinka kolli við mikla kátínu þáttastjórnenda.

Ekki nóg með að Hill virðist eiga tíu börn heldur eru fjögur þeirra fædd á síðasta árinu. Hill segist sjá fyrir öllum barnaskaranum.

„Það skiptir ekki máli hversu mörg börn ég á. Fólk getur ekki sagt að Tyreek sjái ekki um þau,“ sagði Hill.

„Allir krakkarnir elska að koma á leiki. En stundum er erfitt að einbeita sér því ég á dætur. Þið vitið hvernig þær eru. Þær vilja vera pabbastelpur og láta halda á sér. Stundum er það erfitt en ég verð að standa mig. Ég verð að vera pabbi fyrir þau meðan ég hef þau.“

Hinn þrítugi Hill kom til Miami Dolphins frá Kansas City Chiefs 2022. Hann er einn launahæsti leikmaðurinn í NFL.