Enski boltinn

Manchester-liðin og Aston Villa á móti því að eyðslu­þak verði sett á

Runólfur Trausti Þórhallsson skrifar
Forráðamenn Manchester City vilja ekki að eyðsluþak verði sett á lið ensku úrvalsdeildarinnar.
Forráðamenn Manchester City vilja ekki að eyðsluþak verði sett á lið ensku úrvalsdeildarinnar. EPA-EFE/PETER POWELL

Sextán af 20 liðum ensku úrvalsdeildar karla í knattspyrnu hafa samþykkt tillögu þess efnis að sett verði eyðsluþak á lið deildarinnar. Manchester City og United ásamt Aston Villa voru á móti tillögunni á meðan Chelsea sat hjá.

Samkvæmt The Athletic verður eyðsluþakið sett á fyrir tímabilið 2025-26. Tillagan hljómar þannig að félög deildarinnar munu „aðeins“ geta eytt fimmfalt því sem tekjulægsta félag deildarinnar fær fyrir sjónvarpsrétt sinn.

Hugmyndin var rætt á eigendafundi liða deildarinnar í dag, mánudag. Verður svo kosið um tillöguna á almennum fundi deildarinnar sem fram fer í júní.

Fari tillagan í gegn þá mun hún koma í stað þeirrar reglu sem nú er við lýði. Samkvæmt þeirri reglu mega lið aðeins eyða ákveðinni prósentu af tekjum sínum ár hvert.

Fótbolti Enski boltinn

Mest lesið


Fleiri fréttir

Sjá meira


×

Mest lesið