Fantaflott með frönskum gluggum í Vestur­bænum

Íbúðin er innréttuð á sjarmerandi máta þar sem litagleðin breiðir úr sér á milli rýma í  hönnunarmunum, retro húsgögnum og listaverkum.

Stofa er rúmgóð og björt með stórum glugga til suðurs og vesturs.

Mikil lofthæð er í eigninni sem minnir helst á skandinavíska íbúð. Franskir gluggar á stigagangi og í rennihurð, sem skilur borðstofu og stofu að, setja heillandi svip á heildarmyndina. 

Samtals eru fjögur svefnherbergi með möguleika á því fimmta. Baðherbergi var nýlega tekið í gegn á smekklegan máta og viðheldur tíðaranda hússins. 

Nánari upplýsingar um eignina má finna á fasteignavef Vísis.