Staldraði við þegar talað var um fóstur sem frumuklasa Kolbeinn Tumi Daðason skrifar 16. maí 2024 22:49 Arnar Þór Jónsson sagði kristin gildi leiðarljós í lífi sínu. Hann segir umhugsunarvert hversu margar fóstureyðingar fari fram á Íslandi á hverju ári. vísir/Vilhelm Arnar Þór Jónsson forsetaframbjóðandi segir vanvirðingu þegar talað er um fóstur eða barn í móðurkviði sem frumuklasa. Umhugsunarefni sé hve margar fóstureyðingar séu framkvæmdar hér á landi árlega. Fullt af fólki væri tilbúið að veita þeim börnum sem fæddust gott líf. Þetta kom fram í máli Arnars Þórs í forsetakappræðum á Stöð 2 í kvöld. Hann synti aðeins á móti straumnum þegar forsetaefnin voru spurð út í afstöðu sína til þungunarrofs eða fóstureyðinga. Arnar Þór lagði áherslu á að tala um fóstureyðingu í umræðunni á meðan aðrir kusu að nota orðið þungunarrof sem hefur verið algengara í umræðunni seinustu ár. Lesandi Vísis beindi þeirri spurningu til forsetaefnanna sex í kappræðum hver afstaða þeirra væri til fóstureyðinga, eins og lesandinn komst að orði. Arnar Þór hefur sterkar skoðanir á málinu. Hægt að finna foreldri fyrir öll börn „Ég hef svo sem sagt í aðdraganda þessara kosninga að ég byggi mitt líf á kristnum gildum. Ég er trúaður maður. Lífið er ekki bara dýrmætt heldur heilagt. Við eigum að verja sakleysið. Ekkert er saklausara en barnið. Fyrir mér er barn í móðurkviði lifandi vera. Barn í móðurkviði getur átt erfðarétt að lögum,“ sagði Arnar Þór. „Þær aðstæður geta komið upp að sé nauðsynlegt að framkvæma svona aðgerð. Það kann að vera að líf móður sé í hættu, heilsufar barns eða hvað það þarf að vera. Ég sé þetta mál ekki svart hvítt. En ég lít á þetta ekki bara sem lagalegt úrlausnarefni heldur líka siðferðilegt.“ Þar skipti að sjálfsögðu máli hve langt kona væri gengin. „Mér finnst að á þessu sviði verðum við að fara mjög gætilega. Yfir þúsund fóstureyðingar eru framkvæmdar hér, allt upp í þrjár á dag. Í mínum huga er þetta mjög umhugsunarvert. Ég hefði haldið að þessi blessuðu börn ættu að fá tækifæri til að fá að lifa. Fullt af fólki væri tilbúið að taka við þeim og veita því gott líf.“ Þá skaut hann á Katrínu Jakobsdóttur meðframbjóðanda sinn og sagði hana hafa sýnt vanvirðingu gagnvart lífinu með ummælum sínum hvað þetta snerti. Vísaði hann þar til svara Katrínar í Spursmálum Morgunblaðsins varðandi tímamörk þegar kæmi að þungunarrofi. Morgunblaðið sló því upp að Katrín vildi engin tímamörk á fóstureyðingum. Arnar Þór vildi að Katrín skýrði ummæli sín betur. Þykir miður hvernig lagt hafi verið út af orðum sínum „Á Íslandi er góð löggjöf um þungungarrof. Þá löggjöf studdi ég og gerði enga tillögu um breytinga. Það sem ég benti á í þeim umræðum var að það væri ekki sjálfgefið að löggjafinn ákveði tímamörk í lögum. Þannig er það til dæmis ekki í Kanada. Þar er það lagt í hendur kvennanna sjálfra og lækna og heilbrigðisstarfsfólk að meta hvenær megi grípa inn í,“ sagði Katrín. Katrín Jakobsdóttir lagði áherslu á að tímamörk hvað varði þungunarrof eigi ekki endilega að vera ákvarðað af þinginu. Konur og læknar eigi að geta komið að slíkri ákvörðun.Vísir/vilhelm „Ég held að það sé engin kona sem fari í þungunarrof af léttúð, þetta er ávallt þungbær ákvörðun. Hana þarf að taka í samráði við lækna og heilbrigðisstarfsfólk,“ sagði Katrín og bætti við: „Mér finnst miður hvernig lagt hefur verið út af orðum mínum þar sem ég vitna í raun og veru í þau prinsipp sem hafa verið til umræðu. Hversu langt á löggjafinn að ganga í því að ákvarða þetta, eða getum við treyst heilbrigðisstarfsfólki og getum við treyst konum?“ Mikið jafnréttismál Jón Gnarr sagðist sáttur við lögin um þungunarrof sem hefðu verið vel unnin og í samstarfi við sérfræðinga. Halla Tómasdóttir sagði þungunarrof mikið jafnréttismál og þau Jón snertu á því að það ætti ekki að vera réttindi einstakra efnaðra að fljúga utan á einkastofur heldur réttindi allra. Halla benti í því samhengi á stöðu í einstökum ríkjum Bandaríkjanna þar sem þungunarrof væri hreinlega bannað. Jón Gnarr sagði mikilvægt að þungunarrof væri ekki úrræði sem aðeins þeir ríku gætu haft í erfiðum aðstæðum.Vísir/vilhelm Halla Hrund sagði löggjöfina einnig ná vel utan um málið. Um væri að ræða mikið jafnréttismál enda hafi konur sums staðar ekki þennan möguleika. Baldur sagði að sótt hefði verið að rétti kvenna víða í þessum málum og hann myndi skoða vel að vísa því til þjóðarinnar tæki þingið upp á því að skerða réttindi kvenna til að ráða yfir eigin líkama. Arnar Þór átti þó lokaorðið. Hann hefði blandað sér í opinbera umræðu um þungunarrof þegar frumvarp sem varð að lögum hefði verið til umfjöllunar. Baldur og Halla Hrund töluðu á svipuðum nótum um þungunarrof.Vísir/vilhelm „Á þinginu var við setningu þessara laga talað um fóstur sem frumuklasa. Þá skrifaði ég grein í blöðin sem hét „Við erum öll frumuklasar“. Ef við tölum af vanvirðingu um barn í móðurkviði sem frumuklasa þá er næsta skref að tala um fólk sem frumuklasa. Það er mjög vafasamt skref að stíga,“ sagði Arnar Þór og lagði áherslu á hve viðkvæmt og siðferðilegt málefni væri um að ræða. Kappræðurnar í heild má sjá að neðan. Þungunarrof Forsetakosningar 2024 Mest lesið Lögreglumaður á sjúkrahúsi eftir alvarlega árás á Goslokahátíð Innlent „Við ætlum að upplifa stóra drauminn hans Kristians Helga” Innlent Skipstjóri handtekinn í Reykjavíkurhöfn Innlent Piltur reyndi að stöðva árás föður sem ógnaði móðurinni með hníf Innlent Ákvörðun dómsmálaráðherra gríðarleg vonbrigði Innlent „Þetta virðast vera einu gjöldin sem ekki má snerta“ Innlent Lögreglan lýsir eftir Hebu Ýr Innlent Flugvél Play lenti í hagléli og þurfti að snúa við Innlent „Þeir verða að geta varið sig“: Hættir við að hætta vopnasendingum Erlent Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent Fleiri fréttir Handviss um að Sjálfstæðisflokkurinn fái yfir þrjátíu prósent Kolfelldu tillögu minnihlutans: „Það er meirihlutinn sem stýrir dagskránni“ „Þetta virðast vera einu gjöldin sem ekki má snerta“ Skráningargjöld, fylgistap og gettó á Gasa Bæjarráð Voga vill gera ráð fyrir flugvelli í Hvassahrauni Leggur til þjóðaratkvæðagreiðslu um bókun 35 Piltur reyndi að stöðva árás föður sem ógnaði móðurinni með hníf Flugvél Play lenti í hagléli og þurfti að snúa við Lögreglumaður á sjúkrahúsi eftir alvarlega árás á Goslokahátíð Óskar viðbragða ráðherra við löngum afgreiðslutíma Lögregla lýsir eftir heilabilaðri konu á Akureyri „Við ætlum að upplifa stóra drauminn hans Kristians Helga” Vilja taka fjármálaáætlun til umræðu Einu verslun Þingeyringa lokað Aðsóknarmet slegið í lögreglunám Skipstjóri handtekinn í Reykjavíkurhöfn Ákvörðun dómsmálaráðherra gríðarleg vonbrigði Lögreglan lýsir eftir Hebu Ýr Öll tölfræði um málþófið á einum stað: Íslandsmet á næsta sólarhring „Þetta er bara hálfkák og ekkert annað“ Skiltið hluti af stærra vandamáli sem dragi úr lífsgæðum Spyr hvort berja megi blaðamenn í ljósi sýknudómsins Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Fjársvelt geðheilbrigðisúrræði og boltaleikjabann „Kemur ekki til greina að fresta þessu máli“ Fimm grunuð um að ráðast á mann sem kom öðrum til bjargar Þrír milljarðar til viðbótar í viðhald vega Sjö ára dómur fyrir að stinga tvo: Hittu árásarmanninn í fyrsta skipti þessa nýársnótt Vill vindorkuver í Garpsdal og breytir tillögu stjórnar Tugir með magapínu eftir þríþraut við Laugarvatn Sjá meira
Þetta kom fram í máli Arnars Þórs í forsetakappræðum á Stöð 2 í kvöld. Hann synti aðeins á móti straumnum þegar forsetaefnin voru spurð út í afstöðu sína til þungunarrofs eða fóstureyðinga. Arnar Þór lagði áherslu á að tala um fóstureyðingu í umræðunni á meðan aðrir kusu að nota orðið þungunarrof sem hefur verið algengara í umræðunni seinustu ár. Lesandi Vísis beindi þeirri spurningu til forsetaefnanna sex í kappræðum hver afstaða þeirra væri til fóstureyðinga, eins og lesandinn komst að orði. Arnar Þór hefur sterkar skoðanir á málinu. Hægt að finna foreldri fyrir öll börn „Ég hef svo sem sagt í aðdraganda þessara kosninga að ég byggi mitt líf á kristnum gildum. Ég er trúaður maður. Lífið er ekki bara dýrmætt heldur heilagt. Við eigum að verja sakleysið. Ekkert er saklausara en barnið. Fyrir mér er barn í móðurkviði lifandi vera. Barn í móðurkviði getur átt erfðarétt að lögum,“ sagði Arnar Þór. „Þær aðstæður geta komið upp að sé nauðsynlegt að framkvæma svona aðgerð. Það kann að vera að líf móður sé í hættu, heilsufar barns eða hvað það þarf að vera. Ég sé þetta mál ekki svart hvítt. En ég lít á þetta ekki bara sem lagalegt úrlausnarefni heldur líka siðferðilegt.“ Þar skipti að sjálfsögðu máli hve langt kona væri gengin. „Mér finnst að á þessu sviði verðum við að fara mjög gætilega. Yfir þúsund fóstureyðingar eru framkvæmdar hér, allt upp í þrjár á dag. Í mínum huga er þetta mjög umhugsunarvert. Ég hefði haldið að þessi blessuðu börn ættu að fá tækifæri til að fá að lifa. Fullt af fólki væri tilbúið að taka við þeim og veita því gott líf.“ Þá skaut hann á Katrínu Jakobsdóttur meðframbjóðanda sinn og sagði hana hafa sýnt vanvirðingu gagnvart lífinu með ummælum sínum hvað þetta snerti. Vísaði hann þar til svara Katrínar í Spursmálum Morgunblaðsins varðandi tímamörk þegar kæmi að þungunarrofi. Morgunblaðið sló því upp að Katrín vildi engin tímamörk á fóstureyðingum. Arnar Þór vildi að Katrín skýrði ummæli sín betur. Þykir miður hvernig lagt hafi verið út af orðum sínum „Á Íslandi er góð löggjöf um þungungarrof. Þá löggjöf studdi ég og gerði enga tillögu um breytinga. Það sem ég benti á í þeim umræðum var að það væri ekki sjálfgefið að löggjafinn ákveði tímamörk í lögum. Þannig er það til dæmis ekki í Kanada. Þar er það lagt í hendur kvennanna sjálfra og lækna og heilbrigðisstarfsfólk að meta hvenær megi grípa inn í,“ sagði Katrín. Katrín Jakobsdóttir lagði áherslu á að tímamörk hvað varði þungunarrof eigi ekki endilega að vera ákvarðað af þinginu. Konur og læknar eigi að geta komið að slíkri ákvörðun.Vísir/vilhelm „Ég held að það sé engin kona sem fari í þungunarrof af léttúð, þetta er ávallt þungbær ákvörðun. Hana þarf að taka í samráði við lækna og heilbrigðisstarfsfólk,“ sagði Katrín og bætti við: „Mér finnst miður hvernig lagt hefur verið út af orðum mínum þar sem ég vitna í raun og veru í þau prinsipp sem hafa verið til umræðu. Hversu langt á löggjafinn að ganga í því að ákvarða þetta, eða getum við treyst heilbrigðisstarfsfólki og getum við treyst konum?“ Mikið jafnréttismál Jón Gnarr sagðist sáttur við lögin um þungunarrof sem hefðu verið vel unnin og í samstarfi við sérfræðinga. Halla Tómasdóttir sagði þungunarrof mikið jafnréttismál og þau Jón snertu á því að það ætti ekki að vera réttindi einstakra efnaðra að fljúga utan á einkastofur heldur réttindi allra. Halla benti í því samhengi á stöðu í einstökum ríkjum Bandaríkjanna þar sem þungunarrof væri hreinlega bannað. Jón Gnarr sagði mikilvægt að þungunarrof væri ekki úrræði sem aðeins þeir ríku gætu haft í erfiðum aðstæðum.Vísir/vilhelm Halla Hrund sagði löggjöfina einnig ná vel utan um málið. Um væri að ræða mikið jafnréttismál enda hafi konur sums staðar ekki þennan möguleika. Baldur sagði að sótt hefði verið að rétti kvenna víða í þessum málum og hann myndi skoða vel að vísa því til þjóðarinnar tæki þingið upp á því að skerða réttindi kvenna til að ráða yfir eigin líkama. Arnar Þór átti þó lokaorðið. Hann hefði blandað sér í opinbera umræðu um þungunarrof þegar frumvarp sem varð að lögum hefði verið til umfjöllunar. Baldur og Halla Hrund töluðu á svipuðum nótum um þungunarrof.Vísir/vilhelm „Á þinginu var við setningu þessara laga talað um fóstur sem frumuklasa. Þá skrifaði ég grein í blöðin sem hét „Við erum öll frumuklasar“. Ef við tölum af vanvirðingu um barn í móðurkviði sem frumuklasa þá er næsta skref að tala um fólk sem frumuklasa. Það er mjög vafasamt skref að stíga,“ sagði Arnar Þór og lagði áherslu á hve viðkvæmt og siðferðilegt málefni væri um að ræða. Kappræðurnar í heild má sjá að neðan.
Þungunarrof Forsetakosningar 2024 Mest lesið Lögreglumaður á sjúkrahúsi eftir alvarlega árás á Goslokahátíð Innlent „Við ætlum að upplifa stóra drauminn hans Kristians Helga” Innlent Skipstjóri handtekinn í Reykjavíkurhöfn Innlent Piltur reyndi að stöðva árás föður sem ógnaði móðurinni með hníf Innlent Ákvörðun dómsmálaráðherra gríðarleg vonbrigði Innlent „Þetta virðast vera einu gjöldin sem ekki má snerta“ Innlent Lögreglan lýsir eftir Hebu Ýr Innlent Flugvél Play lenti í hagléli og þurfti að snúa við Innlent „Þeir verða að geta varið sig“: Hættir við að hætta vopnasendingum Erlent Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent Fleiri fréttir Handviss um að Sjálfstæðisflokkurinn fái yfir þrjátíu prósent Kolfelldu tillögu minnihlutans: „Það er meirihlutinn sem stýrir dagskránni“ „Þetta virðast vera einu gjöldin sem ekki má snerta“ Skráningargjöld, fylgistap og gettó á Gasa Bæjarráð Voga vill gera ráð fyrir flugvelli í Hvassahrauni Leggur til þjóðaratkvæðagreiðslu um bókun 35 Piltur reyndi að stöðva árás föður sem ógnaði móðurinni með hníf Flugvél Play lenti í hagléli og þurfti að snúa við Lögreglumaður á sjúkrahúsi eftir alvarlega árás á Goslokahátíð Óskar viðbragða ráðherra við löngum afgreiðslutíma Lögregla lýsir eftir heilabilaðri konu á Akureyri „Við ætlum að upplifa stóra drauminn hans Kristians Helga” Vilja taka fjármálaáætlun til umræðu Einu verslun Þingeyringa lokað Aðsóknarmet slegið í lögreglunám Skipstjóri handtekinn í Reykjavíkurhöfn Ákvörðun dómsmálaráðherra gríðarleg vonbrigði Lögreglan lýsir eftir Hebu Ýr Öll tölfræði um málþófið á einum stað: Íslandsmet á næsta sólarhring „Þetta er bara hálfkák og ekkert annað“ Skiltið hluti af stærra vandamáli sem dragi úr lífsgæðum Spyr hvort berja megi blaðamenn í ljósi sýknudómsins Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Fjársvelt geðheilbrigðisúrræði og boltaleikjabann „Kemur ekki til greina að fresta þessu máli“ Fimm grunuð um að ráðast á mann sem kom öðrum til bjargar Þrír milljarðar til viðbótar í viðhald vega Sjö ára dómur fyrir að stinga tvo: Hittu árásarmanninn í fyrsta skipti þessa nýársnótt Vill vindorkuver í Garpsdal og breytir tillögu stjórnar Tugir með magapínu eftir þríþraut við Laugarvatn Sjá meira
Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent
Enn að jafna sig eftir stunguárás: „Þeir eru miklu yngri en réðu samt ekkert við 43 ára mann“ Innlent