Afmælisafsláttur Skanva í fullum gangi

Guðrún Harpa, markaðsstjóri segir Íslendinga hafa verið hálf feimna við fyrirkomulagið til að byrja með en Skanva er netverslun þar sem viðskiptavinir panta sjálfir eftir máli. Skanva á Íslandi leggur þó mikla áherslu á persónulega þjónustu þó kaupin fari fram á vefnum.

„Sumum fannst þetta skrýtið, að fara bara á netið og panta glugga og hurðir. Það treysta sér heldur ekki allir til að taka málin sjálfir og standa með því en við höfum lagt mikla vinnu í þróa vefsíðuna með ítarlegum leiðbeiningum og myndböndum. Við hvetjum fólk líka til að hringja í okkur og fá aðstoð, við gefum okkur alltaf tíma til að spjalla og viljum fá að heyra um verkefnin hjá fólki og framkvæmdir til að geta leiðbeint því eins vel og hægt er. Við getum einnig teiknað einingar fyrir fólk ef það er með sérstakar hugmyndir og það kostar ekki neitt,“ segir Guðrún Harpa.

Úrvalið í vefverslun Skanva ríkulegt

„Gluggaeiningar sem hægt er að nýta í byggingu sólskála eru vinsælar núna og einnig tvöfaldar svalahurðir. Rennihurðir út á pall hafa líka notið mikilla vinsælda en í okkar íslenska veðurfari þarf að huga vel að því hvernig vindurinn stendur upp á rennihurðir,“ útskýrir Guðrún. „Við mælum frekar með tvöföldum svalahurðum fyrir íslenskar aðstæður. Með þeim fæst líka mikil opnun og í raun stærri gluggi.“ Hún segir álklædda timburglugga frábæra fyrir íslenskt veðurfar en timburgluggar standi þó líka alltaf fyrir sínu.

„Við erum vön timburgluggum og -hurðum hér á Íslandi, sem er kannski dálítið sérstakt miðað við veðurfarið hér. Timbrið finnst mörgum hlýlegra og svo líta sumir bara á það sem gæðastundir að sinna viðhaldi og fara út að mála á góðviðrisdögum.“

Stækkandi á verktakamarkaði

„Við erum stækkandi á verktakamarkaðnum þar sem smiðir og verktakar kunna vel að meta að geta séð um allt sjálfir og drifið pöntun í gang á netinu. Margir versla hjá okkur aftur og aftur. Við gerum einnig tilboð í stærri verkefni og erum vel samkeppnishæf. Skanva er stórt fyrirtæki með verslanir á öllum Norðurlöndunum og í Þýskalandi. Framleiðslulínan okkar er því alltaf í fullum gangi og í krafti þess höfum við bolmagn til að bjóða vel án þess að slaka neitt á gæðum.“

Kvistalaus kjarnviður

„Framleiðandinn kaupir einnig einstaklega gott timbur í gluggana og við bjóðum kjarnvið sem kemur úr miðjum stofni og því mun þéttari viður. Við erum virkilega stolt af þeim gæðum sem við bjóðum og við höfum afsannað þá mýtu að gott verð þýði lakari gæði,“ segir Guðrún Harpa.