Innlent

Öruggast að sjóða neyslu­vatn á Flat­eyri

Rafn Ágúst Ragnarsson skrifar
Loka þurfti fyrir vatnið í gær vegna aurskriðu.
Loka þurfti fyrir vatnið í gær vegna aurskriðu. Vísir/Vilhelm

Öruggast er að sjóða neysluvatn í dag og á morgun á Flateyri eftir að loka þurfti fyrir vatnið í bænum vegna aurskriðu í gær. Vatnið úr vatnsbólinu hafi verið mjög brúnt og þrátt fyrir að brunahanar hafi verið látnir ganga til að reyna að hreinsa lagnirnar hafi það ekki dugað til.

Þetta kemur fram í tilkynningu á vef Ísafjarðarbæjar.

„Nú, fyrir hádegi á sunnudegi, er verið að skola út lagnirnar með vatni á tankbíl. Vatnið uppi í Klofningsdal er orðið nokkuð hreint og vonir standa til að hægt verði að hleypa vatni á öðru hvoru megin við hádegið,“ segir í tilkynningunni.

Vatnið verði þó líklega brúnt fyrst um sinn og þá þurfi að láta það renna einhverja stund.

Vatnið kom aftur á á Flateyri upp úr hádegi en það er ekki alveg tært. Því sé mælst til þess að það sé soðið áður en þess er neytt.

Ísafjarðarbær Vatn Umhverfismál

Mest lesið


Fleiri fréttir

Sjá meira


×

Mest lesið