Fundu loks heitt vatn í Tungu­dal

Þetta staðfestir Guðmundur Ármann Böðvarsson framkvæmdastjóri Ræktunarsambands Flóa og Skeiða, verktaki í boruninni. 

„Þetta eru rannsóknarboranir sem hafa verið í gangi síðasta sumar og aftur núna. Í dag á 480 metrum kom allt í einu eitthvert magn af vatni sem mældist 55 gráðu heitt,“ segir Sigurður sem er þó ekki viss um að vatnið sé nægilega heitt. 

Orkubúið, verkkaupi, og Ísor, ráðgjafi í boruninni, hafi samt sem áður ákveðið í dag að nýta holuna. Um er að ræða langþráð tíðindi enda borun ekki skilað tilætluðum árangri hinað til. 

„Þetta hefur ekki gengið frábærlega hingað til en þetta eru klárlega tíðindi. Það verður væntanlega borað áfram og dýpra. Planið var að fara í 700 metra. Það að minnsta kosti lyftist á þeim brúnin, Orkubúsmönnum, myndi ég halda.“

Holan gefi auk þess vísbendingu að meira heitt vatn sé á svæðinu, sem geti tekið við af olíubrennslu til húshitunar á svæðinu.