Skilur ekkert í skipuleggjendum: „Alveg út í hött“ Valur Páll Eiríksson skrifar 29. júlí 2024 16:31 Vésteinn tjáði sig um stöðuna á þríþrautarkeppninni sem Guðlaug Edda tekur þátt í á ÓL, fyrst Íslendinga. Vísir Vésteini Hafsteinssyni, afreksstjóra ÍSÍ, líst ekki vel á að sundhluta þríþrautar á Ólympíuleikum verði aflýst. Einn Íslendingur verður meðal keppenda í greininni, en óljóst er hvenær og hvernig greinin fer fram. Mikið hefur verið rætt og ritað um mengunarmagn í Signu, ánni sem rennur í gegnum París, en þar á sundhluti þríþrautarinnar að fara fram. Keppni í karlaflokki á að fara fram í fyrramálið og í kvennaflokki morguninn eftir. Guðlaug Edda Hannesdóttir verður fyrsti íslenski keppandinn í greininni á Ólympíuleikum, en um er að ræða keppni þar sem syntur er einn og hálfur kílómetri, hjólaðir 40 kílómetrar og hlaupnir tíu kílómetrar. Svona lítur þríþrautarbrautin í París út.Mynd/IOC Mikil rigning hefur verið í París síðustu daga sem hefur aukið mengunarmagn í ánni, þar sem skólp og önnur óhreinindi hafa streymt í Signu. Og er bakteríumagn yfir leyfilegum mörkum. Það hefur haft áhrif á undirbúning Guðlaugar. „Guðlaug Edda var í því sem kallast briefing á lélegri íslensku í morgun. Þar er farið í gegnum brautina, í sundinu, hjólinu og prófa þetta allt saman. Þá var náttúrulega aðalmálið á tæknifundinum hvort verði synt eða ekki,“ segir Vésteinn Hafsteinsson, afreksstjóri ÍSÍ og fararstjóri íslenska Ólympíuhópsins, í samtali við íþróttadeild. „Þau fengu ekki að synda í morgun í þessari prófkeyrslu, þá fór hún í sundlaugina í staðinn seinni partinn. En þau sem stjórna þessu eru mjög jákvæð fyrir því að það verði af þessu. Það á ekki að rigna næstu daga og svona,“ bætir Vésteinn við. Fréttin heldur áfram eftir viðtalið. Borgarstjórinn synti í ánni Skipulagsaðilar í París hafa sætt gagnrýni vegna þeirra áforma að hafa sundhluta keppninnar í Signu vegna þeirrar miklu mengunar sem verið hefur í ánni. Mörgum milljónum evra hefur verið eytt í hreinsunaraðgerðir svo keppnin geti farið fram. Ekki hefur mátt synda í Signu í meira en hundrað ár vegna óþrifnaðar fram að yfirstandandi Ólympíuleikum. Til að sýna fram á að áin væri sundhæf stakk borgarstjóri Parísar, Anne Hidalgo, sér til sunds fyrir tæpum tveimur vikum en þá mældust bakteríur í hæfilegu magni. Það breyttist við rigningarnar síðustu daga. Ekkert varaplan hvað varðar keppnisstað er til staðar, sem einnig hefur sætt gagnrýni. Synt verður í Signu eða ekki synt yfirhöfuð. Út í hött ef á að breyta greininni Ekki verður hægt að hafa sundhluta keppninnar annarsstaðar en í ánni og því þrennt í stöðunni. Í fyrsta lagi að keppni fari fram að óbreyttu á morgun og hinn, í öðru lagi að keppni verði frestað og Guðlaug keppi ekki fyrr en 2. ágúst, eða í þriðja lagi að sundkeppnin verði lögð af og hlaupið í staðinn. Vésteinn segir Guðlaugu Eddu taka stöðunni sem uppi er af jafnaðargeði en skilur ekkert í því að hægt sé að breyta keppnisgrein svo stórtæklega á stærsta sviðinu. „Hún er náttúrulega mjög sterk í sundi og hjólreiðunum en liggur aðeins á eftir í hlaupunum vegna þessa mjaðmaskurðs sem hún fór í og er ekki alveg komin til baka þar. Hún er náttúrulega fyrrum sundkona og hennar styrkur liggur í sundinu og hún orðin mjög sterk í sundinu,“ segir Vésteinn og bætir við: „Það væri synd ef sundið yrði tekið í burtu en hún er allt í lagi og tekur bara því sem verður. Mér persónulega finnst alveg fáránlegt þegar hún fer að keppa á Ólympíuleikum og fær ekki að synda eina af þremur greinum í þríþraut,“ segir Vésteinn. Varla sé hægt að kalla þetta þríþraut sé ekki synt. „Þetta verður þá í raun tvíþraut. Þá ertu kominn í allt aðra sálma. Það finnst mér persónulega alveg út í hött. Ég ræddi þetta við hana áðan og hún tekur þessu bara eins og þetta verður og var bara nokkuð kúl með það. „Við höldum að þetta verði, en það sé stór möguleiki á því að það verði 2. ágúst frekar en 31. júlí,“ segir Vésteinn. Þríþraut Ólympíuleikar 2024 í París Ólympíuleikar Mest lesið Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Fantasýn: Bogi Nils þarf að vara sig og ekkert breyst hjá stjórnarformanni Play Enski boltinn „Þetta svíður mig mjög sárt“ Fótbolti Úr klefaleysi og snjómokstri í að taka við landsliði eða Blikum? Íslenski boltinn Lausanne - Breiðablik 3-0 | Enn stigalausir á stóra sviðinu Fótbolti Benedikt gefur Stjörnunni ráð: Alls ekki hringja í eldri bróðurinn Körfubolti Drónabannið í Danmörku skapar vandamál fyrir fótboltafélögin Fótbolti FIFA: Donald Trump ræður engu um það Fótbolti Utan vallar: Er FH að endurtaka stærstu mistök í sögu félagsins? Íslenski boltinn KR - Stjarnan | Titilvörnin hefst í Vesturbæ Körfubolti Fleiri fréttir Markaflóð á Akureyri Palace neitar að tapa „Örugglega enginn sem nennir að hlusta á það“ Viktor Gísli og félagar í Barcelona heimsmeistarar félagsliða Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Álftanes - Ármann | Ljúka 44 ára bið Keflavík - ÍR | Breyttir tímar hjá Keflvíkingum? ÍA - Þór Þ. | Loksins aftur leikið á Akranesi í efstu deild KR - Stjarnan | Titilvörnin hefst í Vesturbæ Gömlu United-mennirnir blómstruðu í Meistaradeildinni Hófí Dóra vann Suður-Ameríkubikarinn Tíu íslensk mörk þegar Magdeburg tók bronsið Ekkert þriggja stiga skot þegar Ármann spilaði síðast í efstu deild Fannst Þórsarar og Lárus þurfa frí frá hvor öðrum Benedikt gefur Stjörnunni ráð: Alls ekki hringja í eldri bróðurinn Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti „Vorum eiginlega búnar að reka hana í hálfleik“ Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? Stjörnuþjálfari dæmdur í bann „Eins og það sé ekkert sem hann hræðist“ FIFA: Donald Trump ræður engu um það Frammistaðan í deildinni skiptir engu máli í dag Sjáðu Meistaradeildarmörkin hjá manninum sem United gat ekki notað Sjá meira
Mikið hefur verið rætt og ritað um mengunarmagn í Signu, ánni sem rennur í gegnum París, en þar á sundhluti þríþrautarinnar að fara fram. Keppni í karlaflokki á að fara fram í fyrramálið og í kvennaflokki morguninn eftir. Guðlaug Edda Hannesdóttir verður fyrsti íslenski keppandinn í greininni á Ólympíuleikum, en um er að ræða keppni þar sem syntur er einn og hálfur kílómetri, hjólaðir 40 kílómetrar og hlaupnir tíu kílómetrar. Svona lítur þríþrautarbrautin í París út.Mynd/IOC Mikil rigning hefur verið í París síðustu daga sem hefur aukið mengunarmagn í ánni, þar sem skólp og önnur óhreinindi hafa streymt í Signu. Og er bakteríumagn yfir leyfilegum mörkum. Það hefur haft áhrif á undirbúning Guðlaugar. „Guðlaug Edda var í því sem kallast briefing á lélegri íslensku í morgun. Þar er farið í gegnum brautina, í sundinu, hjólinu og prófa þetta allt saman. Þá var náttúrulega aðalmálið á tæknifundinum hvort verði synt eða ekki,“ segir Vésteinn Hafsteinsson, afreksstjóri ÍSÍ og fararstjóri íslenska Ólympíuhópsins, í samtali við íþróttadeild. „Þau fengu ekki að synda í morgun í þessari prófkeyrslu, þá fór hún í sundlaugina í staðinn seinni partinn. En þau sem stjórna þessu eru mjög jákvæð fyrir því að það verði af þessu. Það á ekki að rigna næstu daga og svona,“ bætir Vésteinn við. Fréttin heldur áfram eftir viðtalið. Borgarstjórinn synti í ánni Skipulagsaðilar í París hafa sætt gagnrýni vegna þeirra áforma að hafa sundhluta keppninnar í Signu vegna þeirrar miklu mengunar sem verið hefur í ánni. Mörgum milljónum evra hefur verið eytt í hreinsunaraðgerðir svo keppnin geti farið fram. Ekki hefur mátt synda í Signu í meira en hundrað ár vegna óþrifnaðar fram að yfirstandandi Ólympíuleikum. Til að sýna fram á að áin væri sundhæf stakk borgarstjóri Parísar, Anne Hidalgo, sér til sunds fyrir tæpum tveimur vikum en þá mældust bakteríur í hæfilegu magni. Það breyttist við rigningarnar síðustu daga. Ekkert varaplan hvað varðar keppnisstað er til staðar, sem einnig hefur sætt gagnrýni. Synt verður í Signu eða ekki synt yfirhöfuð. Út í hött ef á að breyta greininni Ekki verður hægt að hafa sundhluta keppninnar annarsstaðar en í ánni og því þrennt í stöðunni. Í fyrsta lagi að keppni fari fram að óbreyttu á morgun og hinn, í öðru lagi að keppni verði frestað og Guðlaug keppi ekki fyrr en 2. ágúst, eða í þriðja lagi að sundkeppnin verði lögð af og hlaupið í staðinn. Vésteinn segir Guðlaugu Eddu taka stöðunni sem uppi er af jafnaðargeði en skilur ekkert í því að hægt sé að breyta keppnisgrein svo stórtæklega á stærsta sviðinu. „Hún er náttúrulega mjög sterk í sundi og hjólreiðunum en liggur aðeins á eftir í hlaupunum vegna þessa mjaðmaskurðs sem hún fór í og er ekki alveg komin til baka þar. Hún er náttúrulega fyrrum sundkona og hennar styrkur liggur í sundinu og hún orðin mjög sterk í sundinu,“ segir Vésteinn og bætir við: „Það væri synd ef sundið yrði tekið í burtu en hún er allt í lagi og tekur bara því sem verður. Mér persónulega finnst alveg fáránlegt þegar hún fer að keppa á Ólympíuleikum og fær ekki að synda eina af þremur greinum í þríþraut,“ segir Vésteinn. Varla sé hægt að kalla þetta þríþraut sé ekki synt. „Þetta verður þá í raun tvíþraut. Þá ertu kominn í allt aðra sálma. Það finnst mér persónulega alveg út í hött. Ég ræddi þetta við hana áðan og hún tekur þessu bara eins og þetta verður og var bara nokkuð kúl með það. „Við höldum að þetta verði, en það sé stór möguleiki á því að það verði 2. ágúst frekar en 31. júlí,“ segir Vésteinn.
Þríþraut Ólympíuleikar 2024 í París Ólympíuleikar Mest lesið Féll á lyfjaprófi á HM íslenska hestsins og missir silfur: „Eins og ég sé glæpamaður“ Sport Fantasýn: Bogi Nils þarf að vara sig og ekkert breyst hjá stjórnarformanni Play Enski boltinn „Þetta svíður mig mjög sárt“ Fótbolti Úr klefaleysi og snjómokstri í að taka við landsliði eða Blikum? Íslenski boltinn Lausanne - Breiðablik 3-0 | Enn stigalausir á stóra sviðinu Fótbolti Benedikt gefur Stjörnunni ráð: Alls ekki hringja í eldri bróðurinn Körfubolti Drónabannið í Danmörku skapar vandamál fyrir fótboltafélögin Fótbolti FIFA: Donald Trump ræður engu um það Fótbolti Utan vallar: Er FH að endurtaka stærstu mistök í sögu félagsins? Íslenski boltinn KR - Stjarnan | Titilvörnin hefst í Vesturbæ Körfubolti Fleiri fréttir Markaflóð á Akureyri Palace neitar að tapa „Örugglega enginn sem nennir að hlusta á það“ Viktor Gísli og félagar í Barcelona heimsmeistarar félagsliða Lausanne - Breiðablik 3-0 | Enn stigalausir á stóra sviðinu Sævar Atli neitar að fara úr markaskónum Hákon Arnar skoraði sigurmarkið en Özer stal fyrirsögninni Álftanes - Ármann | Ljúka 44 ára bið Keflavík - ÍR | Breyttir tímar hjá Keflvíkingum? ÍA - Þór Þ. | Loksins aftur leikið á Akranesi í efstu deild KR - Stjarnan | Titilvörnin hefst í Vesturbæ Gömlu United-mennirnir blómstruðu í Meistaradeildinni Hófí Dóra vann Suður-Ameríkubikarinn Tíu íslensk mörk þegar Magdeburg tók bronsið Ekkert þriggja stiga skot þegar Ármann spilaði síðast í efstu deild Fannst Þórsarar og Lárus þurfa frí frá hvor öðrum Benedikt gefur Stjörnunni ráð: Alls ekki hringja í eldri bróðurinn Gullboltahafinn ekki til Íslands Íranar mega ekki mæta á HM-dráttinn Þorsteinn fær annan aðstoðarmann frá Þrótti „Vorum eiginlega búnar að reka hana í hálfleik“ Pirraður yfir marki undir vegg: „Hann leggst bara í einhverja fósturstellingu“ Drónabannið í Danmörku skapar vandamál fyrir fótboltafélögin „Í DNA okkar Sunderland-manna að þola þennan mann ekki“ Utan vallar: Er FH að endurtaka stærstu mistök í sögu félagsins? Stjörnuþjálfari dæmdur í bann „Eins og það sé ekkert sem hann hræðist“ FIFA: Donald Trump ræður engu um það Frammistaðan í deildinni skiptir engu máli í dag Sjáðu Meistaradeildarmörkin hjá manninum sem United gat ekki notað Sjá meira