Fjögurra daga hraustur drengur hætti skyndilega að anda Jón Þór Stefánsson skrifar 7. ágúst 2024 08:30 Elías Andri ásamt syni sínum sem er nokkurra daga gamall á sjúkrahúsinu. Elías Elías Andri Óskarsson, íbúi á Sauðárkróki, segir margar tilviljanir hafa orðið til þess að ekki fór verr síðastliðinn sunnudag þegar fjögurra daga gamall sonur hans hætti skyndilega að anda. Um tíma var óttast að hann væri að deyja, en sem betur fer heilsast honum vel í dag. Í samtali við fréttastofu greinir Elías frá atburðarás sunnudagsins, en sjálfur var hann staddur í Litla skógi við Sauðárkrók ásamt tveggja ára dóttur sinni þegar hann fékk fyrstu fregnir af veikindum sonarins. „Þá fæ ég símtal frá tvíburasystur konunnar minnar um að ég þyrfti að drífa mig heim, strákurinn væri eitthvað skrýtinn, það liti út fyrir að hann væri hættur að anda og þyrfti að fara á spítala.“ Ljósmóðir hafði verið heima hjá móðurinni í heimavitjun þegar þetta átti sér stað. „Ég held að þau hafi verið nýbúin að vigta hann og voru að tala um að hann væri bara hraustari en önnur börn, hann lyfti haus og væri handsterkur og svona. Svo er konan mín bara að láta barnið ropa þegar ljósmóðirin tekur eftir því að hann hálflyppast niður. Hún hafði ekki séð nein veikindamerki eða neitt slíkt fyrir það,“ segir Elías. „Þeim tekst ekki að fá nein viðbrögð frá honum.“ „Bað hana um að skella á mig og vera með honum“ Kallað var eftir sjúkrabíl. Í sömu andrá og sjúkrabíllinn var að leggja af stað frá heimili þeirra komu þau feðginin heim. Í sjúkrabílnum var sonurinn, móðir hans, ljósmóðirin og læknir frá spítalanum á Sauðárkróki. Elías og tvíburasystir konunnar hans eltu bílinn sem stefndi frá Sauðárkróki til Akureyrar. Í þeirri bílferð fékk Elías annað erfitt símtal. „Svo hringir konan í mig og segir að það sé eins og hann sé að deyja. Ég bað hana um að skella á mig og vera með honum,“ segir hann. „Síðan hringir hún mjög skömmu seinna og segir að það sé að koma þyrla og að þau séu stopp uppi á Öxnadalsheiði, og það séu bara tvær til þrjár mínútur í þyrlu. Við komum þarna að sjúkrabílnum rétt áður en þyrlan lendir. Þegar við opnum hurðina á sjúkrabílnum tekur hann við sér og byrjar að gráta.“ Drengurinn greindist með Covid. Heilbrigðisstarfsfólk hefur útskýrt fyrir foreldrunum að viðbrögð hans séu þekkt hjá ungbörnum sem fái veirusýkingar.Elías Drengnum og foreldrunum var komið í þyrluna og þau flugu til Akureyrar. Að sögn Elíasar tók flugið fimm mínútur en hann telur að aksturinn hefði tekið hálftíma eða fjörutíu mínútur. Á Akureyri hafi tekið við allar þær rannsóknir sem hægt er að gera. „Hann greinist með Covid. Það er útskýrt fyrir okkur að vegna þess að hann er svona rosalega ungur þá eru þetta þekkt viðbrögð við svona veirusýkingum, að vera ekki að anda,“ segir Elías. Á svipuðum slóðum þegar fæðingin hófst Elías bendir á að þegar drengurinn var að fæðast hafi þau farið í eina fýluferð til Akureyrar þar sem að ekkert gerðist og verið að keyra aftur á Sauðárkrók þegar fæðingin hafi byrjað. Þau hafi stoppað á mjög svipuðum stað á heiðinni í það skipti. „Við byrjum bara á að fæða í bílnum. Við fáum sjúkrabíl á móti og við erum að byrja að taka á móti honum á heiðinni.“ Elíasi finnst margar magnaðar tilviljanir sem þessar vera í sögunni. Það að ljósmóðirin hafi einmitt verið í heimsókn þegar þetta eigi sér stað hafi til að mynda líklega hjálpað mikið til en Elías segir hana hafa verið gríðarlega mikilvæga til að bjarga barninu. „Hún fer með þeim í sjúkrabílinn og er að halda í honum lífinu allan aksturinn.“ „Hún er svolítið hetjan í þessari sögu,“ segir Elías um ljósmóðurina. „Ef þetta hefði skeð þegar mæðginin væru sofandi, maður hefði ekki vilja spyrja að leikslokum þar.“ Jafnframt bendir Elías á að þyrla frá Landhelgisgæslunni sé yfirleitt ekki fyrir norðan. Líklega hafi þyrlan sem kom þeim til bjargar einungis verið staðsett þar vegna verslunarmannahelgarinnar. „Hún var bara að gera sig klára til að fljúga suður þegar beiðnin kemur.“ Dapurt að þyrla sé ekki alltaf til reiðu Hann er gagnrýnin á það að það sé ekki alltaf þyrla til reiðu fyrir norðan, og líka fyrir austan. Í þessu tilfelli hafi það mögulega skipt sköpum að hún hafi verið til staðar. „Ég er sjálfur smábátasjómaður og hef verið mikið á tryllum og lent í alls konar og hef þurft að fá aðstoð,“ segir Elías. „Ég hef mikið verið að róa fyrir austan. Maður veit að ef eitthvað kemur upp á úti á sjá þá hefur þyrlan ekki eldsneyti til að standa í neinni leit þar. Manni finnst þetta hálfdapurt í landi vellystinga eins og hjá okkur að ástandið sé svona lélegt.“ Þó að Elías sé gagnrýnin á þetta er hann fullur þakklætis í garð allra viðbragðsaðilana sem komu að málinu. „Maður verður bara meyr yfir því hvað allt fólkið hérna er gott.“ Börn og uppeldi Heilbrigðismál Björgunarsveitir Skagafjörður Akureyri Mest lesið Viðurkennir að hafa ekki haft heimild til að stíga inn Innlent Leita að Illes Benedek Incze í leiðindaveðri í Vík Innlent Bjóst ekki við því að þurfa á svartri vinnu að halda í ellinni Innlent Litið til hæðarmunar og eiginkonan fyrrverandi sýknuð Innlent „Við berum ekki þeirra sorg“ Innlent Handtóku konu á Sæbraut Innlent Faðirinn hafi beint lögreglu að stúlkunni Innlent Ekki séð eiginkonuna síðan tveimur vikum eftir giftingu Innlent Sárnar að sex ára syni sé lýst sem óðum ofbeldismanni Innlent Leita manns við Vík í Mýrdal Innlent Fleiri fréttir Viðurkennir að hafa ekki haft heimild til að stíga inn Litið til hæðarmunar og eiginkonan fyrrverandi sýknuð Leita að Illes Benedek Incze í leiðindaveðri í Vík Leita manns við Vík í Mýrdal Samstarfið við Braathen bjó til Loftleiðaævintýrið „Við berum ekki þeirra sorg“ Bjóst ekki við því að þurfa á svartri vinnu að halda í ellinni Hefur verið með kindur í Reykjavík í 67 ár Furða sig á harkalegum aðgerðum yfirvalda Harmleikur á Krýsuvíkurvegi og harkalegar aðgerðir lögreglu Vilja ná tali af manni sem ekki hefur spurst til síðan í ágúst Landspítalinn telur heimildir lögreglu ekki hafnar yfir allan vafa Faðirinn hafi beint lögreglu að stúlkunni Ákvörðunin um brottflutning Yazan stendur Faðirinn handtekinn meðan leitað var að tíu ára stúlkunni Þriðja manndrápsmálið á árinu þar sem barn lætur lífið Handtóku konu á Sæbraut Faðirinn í Krýsuvík hefur komið við sögu lögreglu Ekki séð eiginkonuna síðan tveimur vikum eftir giftingu Sárnar að sex ára syni sé lýst sem óðum ofbeldismanni Jóhann Óli hlýtur Náttúruverndarviðurkenningu Sigríðar í Brattholti Funda með Vegagerðinni um Vestfjarðagöng Íslenskur faðir grunaður um að hafa banað dóttur sinni Harmleikur í Krýsuvík og hætt við brottvísun á síðustu stundu Ráðherrar VG fóru fram á að brottvísun Yazans yrði frestað Eiríkur Elís og Eyvindur metnir hæfastir Skipun um að hætta við brottflutning Yazan kom frá dómsmálaráðherra Grunaður um að hafa orðið stúlku á grunnskólaaldri að bana Yazan á leiðinni aftur á Landspítalann „Það er ekki auðvelt að leggja mig í einelti“ Sjá meira
Í samtali við fréttastofu greinir Elías frá atburðarás sunnudagsins, en sjálfur var hann staddur í Litla skógi við Sauðárkrók ásamt tveggja ára dóttur sinni þegar hann fékk fyrstu fregnir af veikindum sonarins. „Þá fæ ég símtal frá tvíburasystur konunnar minnar um að ég þyrfti að drífa mig heim, strákurinn væri eitthvað skrýtinn, það liti út fyrir að hann væri hættur að anda og þyrfti að fara á spítala.“ Ljósmóðir hafði verið heima hjá móðurinni í heimavitjun þegar þetta átti sér stað. „Ég held að þau hafi verið nýbúin að vigta hann og voru að tala um að hann væri bara hraustari en önnur börn, hann lyfti haus og væri handsterkur og svona. Svo er konan mín bara að láta barnið ropa þegar ljósmóðirin tekur eftir því að hann hálflyppast niður. Hún hafði ekki séð nein veikindamerki eða neitt slíkt fyrir það,“ segir Elías. „Þeim tekst ekki að fá nein viðbrögð frá honum.“ „Bað hana um að skella á mig og vera með honum“ Kallað var eftir sjúkrabíl. Í sömu andrá og sjúkrabíllinn var að leggja af stað frá heimili þeirra komu þau feðginin heim. Í sjúkrabílnum var sonurinn, móðir hans, ljósmóðirin og læknir frá spítalanum á Sauðárkróki. Elías og tvíburasystir konunnar hans eltu bílinn sem stefndi frá Sauðárkróki til Akureyrar. Í þeirri bílferð fékk Elías annað erfitt símtal. „Svo hringir konan í mig og segir að það sé eins og hann sé að deyja. Ég bað hana um að skella á mig og vera með honum,“ segir hann. „Síðan hringir hún mjög skömmu seinna og segir að það sé að koma þyrla og að þau séu stopp uppi á Öxnadalsheiði, og það séu bara tvær til þrjár mínútur í þyrlu. Við komum þarna að sjúkrabílnum rétt áður en þyrlan lendir. Þegar við opnum hurðina á sjúkrabílnum tekur hann við sér og byrjar að gráta.“ Drengurinn greindist með Covid. Heilbrigðisstarfsfólk hefur útskýrt fyrir foreldrunum að viðbrögð hans séu þekkt hjá ungbörnum sem fái veirusýkingar.Elías Drengnum og foreldrunum var komið í þyrluna og þau flugu til Akureyrar. Að sögn Elíasar tók flugið fimm mínútur en hann telur að aksturinn hefði tekið hálftíma eða fjörutíu mínútur. Á Akureyri hafi tekið við allar þær rannsóknir sem hægt er að gera. „Hann greinist með Covid. Það er útskýrt fyrir okkur að vegna þess að hann er svona rosalega ungur þá eru þetta þekkt viðbrögð við svona veirusýkingum, að vera ekki að anda,“ segir Elías. Á svipuðum slóðum þegar fæðingin hófst Elías bendir á að þegar drengurinn var að fæðast hafi þau farið í eina fýluferð til Akureyrar þar sem að ekkert gerðist og verið að keyra aftur á Sauðárkrók þegar fæðingin hafi byrjað. Þau hafi stoppað á mjög svipuðum stað á heiðinni í það skipti. „Við byrjum bara á að fæða í bílnum. Við fáum sjúkrabíl á móti og við erum að byrja að taka á móti honum á heiðinni.“ Elíasi finnst margar magnaðar tilviljanir sem þessar vera í sögunni. Það að ljósmóðirin hafi einmitt verið í heimsókn þegar þetta eigi sér stað hafi til að mynda líklega hjálpað mikið til en Elías segir hana hafa verið gríðarlega mikilvæga til að bjarga barninu. „Hún fer með þeim í sjúkrabílinn og er að halda í honum lífinu allan aksturinn.“ „Hún er svolítið hetjan í þessari sögu,“ segir Elías um ljósmóðurina. „Ef þetta hefði skeð þegar mæðginin væru sofandi, maður hefði ekki vilja spyrja að leikslokum þar.“ Jafnframt bendir Elías á að þyrla frá Landhelgisgæslunni sé yfirleitt ekki fyrir norðan. Líklega hafi þyrlan sem kom þeim til bjargar einungis verið staðsett þar vegna verslunarmannahelgarinnar. „Hún var bara að gera sig klára til að fljúga suður þegar beiðnin kemur.“ Dapurt að þyrla sé ekki alltaf til reiðu Hann er gagnrýnin á það að það sé ekki alltaf þyrla til reiðu fyrir norðan, og líka fyrir austan. Í þessu tilfelli hafi það mögulega skipt sköpum að hún hafi verið til staðar. „Ég er sjálfur smábátasjómaður og hef verið mikið á tryllum og lent í alls konar og hef þurft að fá aðstoð,“ segir Elías. „Ég hef mikið verið að róa fyrir austan. Maður veit að ef eitthvað kemur upp á úti á sjá þá hefur þyrlan ekki eldsneyti til að standa í neinni leit þar. Manni finnst þetta hálfdapurt í landi vellystinga eins og hjá okkur að ástandið sé svona lélegt.“ Þó að Elías sé gagnrýnin á þetta er hann fullur þakklætis í garð allra viðbragðsaðilana sem komu að málinu. „Maður verður bara meyr yfir því hvað allt fólkið hérna er gott.“
Börn og uppeldi Heilbrigðismál Björgunarsveitir Skagafjörður Akureyri Mest lesið Viðurkennir að hafa ekki haft heimild til að stíga inn Innlent Leita að Illes Benedek Incze í leiðindaveðri í Vík Innlent Bjóst ekki við því að þurfa á svartri vinnu að halda í ellinni Innlent Litið til hæðarmunar og eiginkonan fyrrverandi sýknuð Innlent „Við berum ekki þeirra sorg“ Innlent Handtóku konu á Sæbraut Innlent Faðirinn hafi beint lögreglu að stúlkunni Innlent Ekki séð eiginkonuna síðan tveimur vikum eftir giftingu Innlent Sárnar að sex ára syni sé lýst sem óðum ofbeldismanni Innlent Leita manns við Vík í Mýrdal Innlent Fleiri fréttir Viðurkennir að hafa ekki haft heimild til að stíga inn Litið til hæðarmunar og eiginkonan fyrrverandi sýknuð Leita að Illes Benedek Incze í leiðindaveðri í Vík Leita manns við Vík í Mýrdal Samstarfið við Braathen bjó til Loftleiðaævintýrið „Við berum ekki þeirra sorg“ Bjóst ekki við því að þurfa á svartri vinnu að halda í ellinni Hefur verið með kindur í Reykjavík í 67 ár Furða sig á harkalegum aðgerðum yfirvalda Harmleikur á Krýsuvíkurvegi og harkalegar aðgerðir lögreglu Vilja ná tali af manni sem ekki hefur spurst til síðan í ágúst Landspítalinn telur heimildir lögreglu ekki hafnar yfir allan vafa Faðirinn hafi beint lögreglu að stúlkunni Ákvörðunin um brottflutning Yazan stendur Faðirinn handtekinn meðan leitað var að tíu ára stúlkunni Þriðja manndrápsmálið á árinu þar sem barn lætur lífið Handtóku konu á Sæbraut Faðirinn í Krýsuvík hefur komið við sögu lögreglu Ekki séð eiginkonuna síðan tveimur vikum eftir giftingu Sárnar að sex ára syni sé lýst sem óðum ofbeldismanni Jóhann Óli hlýtur Náttúruverndarviðurkenningu Sigríðar í Brattholti Funda með Vegagerðinni um Vestfjarðagöng Íslenskur faðir grunaður um að hafa banað dóttur sinni Harmleikur í Krýsuvík og hætt við brottvísun á síðustu stundu Ráðherrar VG fóru fram á að brottvísun Yazans yrði frestað Eiríkur Elís og Eyvindur metnir hæfastir Skipun um að hætta við brottflutning Yazan kom frá dómsmálaráðherra Grunaður um að hafa orðið stúlku á grunnskólaaldri að bana Yazan á leiðinni aftur á Landspítalann „Það er ekki auðvelt að leggja mig í einelti“ Sjá meira