Fyrstu verð­laun Dana í tuttugu ár

Þetta eru fyrstu verðlaun Danmerkur í kvennaflokki í handbolta síðan liðið vann gullið í Aþenu fyrir tuttugu árum.

Kristín Þorleifsdóttir og stöllur hennar í sænska liðinu urðu að gera sér 4. sætið að góðu en þær töpuðu naumlega fyrir Frakklandi í undanúrslitunum í fyrradag. Kristín tók tvö skot í leiknum í dag en þau geiguðu bæði.

Mie Højlund var markahæst í jöfnu dönsku liði með fimm mörk. Sandra Toft var samt maður leiksins en hún varði sextán skot í danska markinu (fjörutíu prósent). 

Nathalie Hagman skoraði fimm mörk fyrir Svíþjóð og Evelina Eriksson varði níu skot eftir að hún kom í markið (39 prósent).

Úrslitaleikurinn í kvennaflokki hefst klukkan 13:00 í dag en þar mætast Frakkar og Norðmenn. Þórir Hergeirsson getur þar unnið sitt annað Ólympíugull sem þjálfari Noregs.