Enski boltinn

Fernandes mun gera nýjan samning við United

Ingvi Þór Sæmundsson skrifar
Bruno Fernandes hefur verið besti leikmaður Manchester United undanfarin ár.
Bruno Fernandes hefur verið besti leikmaður Manchester United undanfarin ár. getty/Marc Atkins

Bruno Fernandes, fyrirliði Manchester United, hefur samþykkt að skrifa undir nýjan samning við félagið.

Fabrizio Romano greinir frá þessu á Twitter. Fernandes mun framlengja við United til 2027, með möguleika á árs framlengingu.

United keypti Fernandes frá Sporting 2020. Hann var gerður að fyrirliða Manchester-liðsins í fyrra. Fernandes hefur alls leikið 234 leiki fyrir United og skorað 79 mörk.

Í gær tapaði United fyrir Manchester City eftir vítaspyrnukeppni í leiknum um Samfélagsskjöldinn. Fernandes lagði upp mark United fyrir Alejandro Garnacho í venjulegum leiktíma og skoraði svo úr sinni spyrnu í vítakeppninni.

United mætir Fulham í upphafsleik ensku úrvalsdeildarinnar á föstudaginn kemur. Búist er við því að einhverjar breytingar verði á leikmannahópi United fram að leiknum. 

Matthijs de Ligt og Noussair Mazraoui eru á leið til United frá Bayern München en Aaron Wan-Bissaka er á förum til West Ham United.

 

Enski boltinn

Tengdar fréttir

Mest lesið


Fleiri fréttir

Sjá meira


×

Mest lesið