Handbolti

Kristianstad með auga­stað á Jóhannesi

Ingvi Þór Sæmundsson skrifar
Jóhannes Berg Andrason átti stóran þátt í því að FH varð Íslandsmeistari á síðasta tímabili.
Jóhannes Berg Andrason átti stóran þátt í því að FH varð Íslandsmeistari á síðasta tímabili. vísir/anton

Fjölmargir íslenskir handboltamenn hafa leikið með Kristianstad í Svíþjóð og félagið ku hafa áhuga á að fjölga þeim.

FH-ingurinn Jóhannes Berg Andrason er á radarnum hjá forráðamönnum Kristianstad samkvæmt Kristianstadbladet.Handbolti.is greindi frá.

Jóhannes gekk í raðir FH fyrir tveimur árum. Á síðasta tímabili varð hann Íslands- og deildarmeistari með liðinu.

Fyrrverandi samherji Jóhannesar úr FH, Einar Bragi Aðalsteinsson, gekk í raðir Kristianstad í sumar. Meðal annarra Íslendinga sem hafa leikið með félaginu má nefna Ólaf Guðmundsson, Teit Örn Einarsson, Arnar Frey Arnarsson og Gunnar Stein Jónsson.

Þrátt fyrir áhuga Kristianstad á Jóhannesi hafa engar viðræður átt sér stað milli félagsins og FH samkvæmt heimildum handbolta.is.

FH hefur titilvörn sína gegn Fram 5. september.

Sænski handboltinn Olís-deild karla FH

Mest lesið


Fleiri fréttir

Sjá meira


×

Mest lesið