Ísak Berg­mann lagði upp mark í sigri í Íslendingaslag

Fortuna Düsseldorf vann leikinn 2-0 og er sem stendur í efsta sæti þýsku b-deildarinnar.

Ísak Bergmann var eini Íslendingurinn í byrjunarliðinu í þessum Íslendingaslag en þeir Valgeir Lunddal Friðriksson hjá Düsseldorf og Jón Dagur Þorsteinsson hjá Herthu byrjuðu báðir á bekknum.

Ísak lagði upp fyrsta mark leiksins sem Dawid Kownacki skoraði á þrettándu mínútu. Þetta er fyrsta markið sem Ísak á þátt í á þessari leiktíð.

Düsseldorf komst tveimur mörkum yfir með marki Jona Niemiec á 66. mínútu.

Jón Dagur kom inn á sem varamaður á 59. mínútu þegar staðan var enn 1-0. Valgeir spilaði síðustu níu mínútur leiksins en Ísak fór af velli á sama tíma.