Slags­mál, líkams­á­rásir og ellefu í fanga­geymslum

Samkvæmt yfirliti lögreglu yfir verkefni næturinnar er lögregla með upplýsingar um þá sem tóku þátt í slagsmálunum og er málið í rannsókn.

Lögreglu bárust einnig tvær tilkynningar um líkamsárásir í heimahúsum og eru þau mál sömuleiðis í rannsókn. Þá var hún kölluð til vegna þjófnaðar í verslun og einn var handtekinn grunaður um innbrot í bifreiðar.

Nokkrir voru stöðvaðir í umferðinni, þeirra á meðal ökumaður sem grunaður er um akstur án ökuréttinda. Sá reyndi að ljúga um nafn þegar lögregla hafði af honum afskipti. 

Annar var stöðvaður grunaður um akstur án ökuréttinda en sá var einnig að tala í símann þegar lögregla greip hann. Þá var ökumaður handtekinn eftir að hafa stungið af í kjölfar umferðaróhapps.