Ó­trú­legar við­tökur á stuttum tíma

SANY hefur náð mjög góðum árangri með gæði tækja og framleiðir tæki með allt að fimm ára og/eða 10.000 vinnustunda ábyrgð sem greinir fyrirtækið frá samkeppnisaðilum sínum. „Viðtökurnar hafa verið frábærar en á rúmu ári höfum við selt yfir 40 tæki og vélar sem er skýrt merki um að Íslendingar eru að taka vel á móti Sany,“ segir Bóas Eðvaldsson, framkvæmdastjóri SANY á Íslandi.

 „Fyrir utan ábyrgðarhlutann, sem greinir SANY frá samkeppnisaðilum sínum, liggur styrkur SANY í gæðum og stuttum afgreiðslutíma á varahlutum og góðu aðgengi að þjónustu með vörulager í Svíþjóð.“

SANY hóf framleiðslu árið 1986 og fagnar því bráðum 40 ára afmæli. „Umsvif fyrirtækisins á heimsvísu hefur vaxið jafnt og þétt á þessu tímabili og í dag knýja öflugar vélar frá SANY fjölbreytt byggingarverkefni um allan heim,“ bætir Bóas við.

Mjög fjölbreyttur tækjafloti

Helstu viðskiptavinir SANY eru verktakar, bæði stórir og smáir, bændur og svo einstaklingar. „Markaðurinn hefur tekið mjög vel í tækin okkar og viðskiptavinir eru mjög ánægðir með vélarnar. Við bjóðum meðal annars upp á gröfur, hjólaskóflur, skotbómulyftara, námutrukka rafmagns vörubíla, rafmagnslyftara, krana af öllum stærðum á hjólum og beltum, rafmagns gámalyftara af öllum stærðum, vindmyllur, sólarpanela og margt fleira. Einnig bjóðum við upp á eigin skóflur á allar gröfur á sanngjörnu verði. Utan þessara tækja býður SANY upp á enn fjölbreyttari tækjaflota sem má kynna sér betur á sanyglobal.com.“

SANY á Íslandi leigir líka út vélar til skemmri eða lengri tíma sem gagnast fyrirtækjum og einstaklingum vel þegar kemur að ýmsum stærri og smærri verkefnum. „Viðtökur hafa verið einstaklega góðar og ljóst að leigan okkar er frábær viðbót við markaðinn. Við leigum m.a. út 2-53 tonna gröfur, skotbómulyftara, brotfleyga, skóflur, brotfleyga og brotkjafta svo það helsta sé nefnt.“

Nýr og glæsilegur sýningarsalur

SANY á Íslandi er búið að kaupa glæsilegt húsnæði á Flugvallarbraut 731, sem er staðsett á Ásbrú í Reykjanesbæ. Þar er einnig rekið verkstæði og nýlega opnaði þar nýr sýningarsalur.

„Í sýningarsal okkar og á útisvæðinu fyrir utan, má skoða fjölda nýrra véla sem við bjóðum upp á, t.d. beltavélar, skóflur, brothamra, hraðtengi og margt fleira og um leið fá ráðgjöf frá starfsfólki okkar yfir góðum kaffi- eða tebolla. Við erum einnig með verkstæði hér og helstu varahluti fyrir daglegan rekstur. Annars tekur bara einn dag að fá afgreidda varahluti frá lager okkar í Svíþjóð.“ 

Bóas hvetur sem flesta til að kíkja í heimsókn og skoða nýja sýningarsalinn eða taka upp símann og panta skoðun. „Með því að veita Íslendingum aðgang að tækjum frá SANY tryggjum við að atvinnulífið á Íslandi fái nýjustu tækni, gæði og lausnir fyrir krefjandi aðstæður á sanngjörnu verði.“

Nánari upplýsingar á sany.is.