Annað Schumacher-brúðkaup gæti verið í vændum

Schumacher sást í fyrsta sinn í ellefu ár meðal fólks í brúðkaupi dóttur sinnar, Ginu-Mariu, á Mallorca um helgina. Hann lenti í skíðaslysi í frönsku ölpunum í desember 2013 og alla tíð síðan hefur mikil leynd ríkt um ástand hans.

Engar myndir hafa birst af Schumacher úr brúðkaupinu enda þurftu allir gestir þess að láta frá sér síma og myndavélar við komuna.

Sem fyrr sagði er þess eflaust ekki langt að bíða að Mick, sonur heimsmeistarans sjöfalda, gangi í hjónaband en kærasta hans, danska fyrirsætan Laila Hasanovic, birti mynd af demantshring á Instagram á dögunum.

Þau byrjuðu að hittast fyrir rúmu ári og fjölskylda Schumachers ku vera yfir sig hrifin af Lailu. Þegar það var svo komið að því fyrir Lailu að hitta Schumacher kaus fjölskyldan um það pg það flaug í gegn. Hún er fyrsta kærasta Micks sem fær að hitta Schumacher.

Mick hefur sjálfur keppt í Formúlu 1 eins og faðir sinn og er núna varaökumaður fyrir Mercedes.