Bjóða landsmönnum nauðbeygð til messu Oddur Ævar Gunnarsson skrifar 4. október 2024 10:02 Það er engin messa eins og sú nauðbeygða messa sem frumsýnd verður á sunnudag. Efnilegustu leikarar Íslands boða nauðbeygðir til messu í Bæjarbíói á sunnudag þegar leikverkið Nauðbeygð Messa verður frumsýnt. Höfundur leikritsins var í miðjum prófalestri þegar hugmyndin að verkinu kviknaði en hann segir um alvöru upplifun að ræða fyrir gesti. „Ástæða þess að við höfum nefnt verkið þessu fáránlega nafni sem enginn skilur er sú að við viljum að fólk labbi kannski í fyrsta sinn inn í eitthvað án þess að geta búist við því hvað er að fara að eiga sér stað,“ segir Einar Baldvin Brimar höfundur verksins í samtali við Vísi. Hann segir því um miklu meira en bara leikrit að ræða. Í verkinu, sem er messa, er fjallað um Kláus Alfreð Alfreðsson sem orðinn er dauðþreyttur á nútíma samfélagi. Hann hefur ákveðið að reyna allt sem hann getur til að fóta sig í samfélagi þar sem allt snýst um sýndarmennsku og metorð sem hefur í för með sér óafturkræfar afleiðingar fyrir hans líf. Einar segir um alvöru messu að ræða. Las helminginn og ákvað að slá til „Hugmyndin kviknaði þegar ég var að læra fyrir lögfræðipróf. Þarna var ég bara gjörsamlega að deyja í einhverjum prófalestri og ég byrjaði bara að skrifa þetta upp af því að ég þurfti að fá mig til að brosa annars myndi ég ekki komast í gegnum þetta. Þannig ég skrifaði þetta í einhverjum flýti,“ útskýrir Einar. Hann heyrði næst í félaga sínum leikstjóranum Vigni Rafn Valþórssyni sem hann hafði sent handritið. „Hann sagðist hafa lesið helminginn áður en hann hringdi svo í mig og sagðist ætla að gera þetta. Þetta var allt saman mjög óvænt,“ segir Einar hlæjandi. Messan var flutt tvisvar fyrir fullu húsi síðastliðið sumar í Háskólabíó undir merkjum sviðslistahátíðarinnar Afturámóti og vakti mikla athygli. Einar segir þá félaga hafa fengið svo margar fyrirspurnir um hvenær verkið yrði aftur á sviði að þeir hafi eiginlega ekki getað annað en orðið við þeim óskum. Sýningin var fyrst sett á svið í Háskólabíói. Prestur býður fólk velkomið Margir af efnilegustu leikurum landsins fara með hlutverk í verkinu líkt og Starkaður Pétursson, Katla Njálsdóttir og Mikael Emil Kaaber svo fáeinir séu nefndir. Einar fellst á það að leikritið sé alvöru satíra. Í því sé mikill húmor þó myrka hliðin sé aldrei langt undan. „Þetta er samt fyrst og fremst messa. Við erum með prest sem býður fólk velkomið. Það er erfidrykkja eftir á og að sjálfsögðu predikun sem lætur engan ósnortinn!“ Einar segist fyrst og fremst þakklátur leikhópnum og öllum sem komið hafi að verkinu. Hann er spenntur að frumsýna verkið um helgina og segist sérstaklega hugsa til smiðsins Axels Auðunssonar sem hafi verið mikill bjargvættur. „Maðurinn smíðaði tvöhundruð kílóa leikmynd launalaust á fimm dögum og neitaði svo að fara upp á svið að hneigja sig því hann sér ekki tilganginn í fabúleringum þegar skylduverkin bíða hans!“ segir Einar hlæjandi. Hann segir að sér sé mikið í mun um að útskýra fyrir lesendum um hvað verkið raunverulega snúist. „Nauðbeygð Messa er ekki eitthvað sem þú velur að fara á, hún velur þig, hún velur þig því hún veit að þú vilt breytingar, framfarir og betra samfélag. Hún velur þig því þú ert nauðbeygður. Svo kæri lesandi, hvort sem þér líkar það eða ekki - þú hefur verið valinn!“ Menning Leikhús Mest lesið Skrúfaði titrarann í sundur til að forða nágrönnum frá ónæði Lífið Foreldrar minnka við sig svo börnin geti keypt fyrstu eign Lífið „Mikilvægt að umkringja sig fólki sem veitir manni innblástur“ Lífið Ingunn Lára gengin út með Celebi Lífið Vill að Menendez bræðrum verði veitt frelsi Lífið Haldið í hefðina í Hafnarfirði eftir óhapp Ólafs Lífið Eminem verður afi Lífið Ný vetrarlína Moomin væntanleg í takmörkuðu upplagi Lífið samstarf Hvernig náum við fram okkar bestu andlitsdráttum? Tíska og hönnun Það er töff að vera sauðfjárbóndi Lífið Fleiri fréttir Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira
„Ástæða þess að við höfum nefnt verkið þessu fáránlega nafni sem enginn skilur er sú að við viljum að fólk labbi kannski í fyrsta sinn inn í eitthvað án þess að geta búist við því hvað er að fara að eiga sér stað,“ segir Einar Baldvin Brimar höfundur verksins í samtali við Vísi. Hann segir því um miklu meira en bara leikrit að ræða. Í verkinu, sem er messa, er fjallað um Kláus Alfreð Alfreðsson sem orðinn er dauðþreyttur á nútíma samfélagi. Hann hefur ákveðið að reyna allt sem hann getur til að fóta sig í samfélagi þar sem allt snýst um sýndarmennsku og metorð sem hefur í för með sér óafturkræfar afleiðingar fyrir hans líf. Einar segir um alvöru messu að ræða. Las helminginn og ákvað að slá til „Hugmyndin kviknaði þegar ég var að læra fyrir lögfræðipróf. Þarna var ég bara gjörsamlega að deyja í einhverjum prófalestri og ég byrjaði bara að skrifa þetta upp af því að ég þurfti að fá mig til að brosa annars myndi ég ekki komast í gegnum þetta. Þannig ég skrifaði þetta í einhverjum flýti,“ útskýrir Einar. Hann heyrði næst í félaga sínum leikstjóranum Vigni Rafn Valþórssyni sem hann hafði sent handritið. „Hann sagðist hafa lesið helminginn áður en hann hringdi svo í mig og sagðist ætla að gera þetta. Þetta var allt saman mjög óvænt,“ segir Einar hlæjandi. Messan var flutt tvisvar fyrir fullu húsi síðastliðið sumar í Háskólabíó undir merkjum sviðslistahátíðarinnar Afturámóti og vakti mikla athygli. Einar segir þá félaga hafa fengið svo margar fyrirspurnir um hvenær verkið yrði aftur á sviði að þeir hafi eiginlega ekki getað annað en orðið við þeim óskum. Sýningin var fyrst sett á svið í Háskólabíói. Prestur býður fólk velkomið Margir af efnilegustu leikurum landsins fara með hlutverk í verkinu líkt og Starkaður Pétursson, Katla Njálsdóttir og Mikael Emil Kaaber svo fáeinir séu nefndir. Einar fellst á það að leikritið sé alvöru satíra. Í því sé mikill húmor þó myrka hliðin sé aldrei langt undan. „Þetta er samt fyrst og fremst messa. Við erum með prest sem býður fólk velkomið. Það er erfidrykkja eftir á og að sjálfsögðu predikun sem lætur engan ósnortinn!“ Einar segist fyrst og fremst þakklátur leikhópnum og öllum sem komið hafi að verkinu. Hann er spenntur að frumsýna verkið um helgina og segist sérstaklega hugsa til smiðsins Axels Auðunssonar sem hafi verið mikill bjargvættur. „Maðurinn smíðaði tvöhundruð kílóa leikmynd launalaust á fimm dögum og neitaði svo að fara upp á svið að hneigja sig því hann sér ekki tilganginn í fabúleringum þegar skylduverkin bíða hans!“ segir Einar hlæjandi. Hann segir að sér sé mikið í mun um að útskýra fyrir lesendum um hvað verkið raunverulega snúist. „Nauðbeygð Messa er ekki eitthvað sem þú velur að fara á, hún velur þig, hún velur þig því hún veit að þú vilt breytingar, framfarir og betra samfélag. Hún velur þig því þú ert nauðbeygður. Svo kæri lesandi, hvort sem þér líkar það eða ekki - þú hefur verið valinn!“
Menning Leikhús Mest lesið Skrúfaði titrarann í sundur til að forða nágrönnum frá ónæði Lífið Foreldrar minnka við sig svo börnin geti keypt fyrstu eign Lífið „Mikilvægt að umkringja sig fólki sem veitir manni innblástur“ Lífið Ingunn Lára gengin út með Celebi Lífið Vill að Menendez bræðrum verði veitt frelsi Lífið Haldið í hefðina í Hafnarfirði eftir óhapp Ólafs Lífið Eminem verður afi Lífið Ný vetrarlína Moomin væntanleg í takmörkuðu upplagi Lífið samstarf Hvernig náum við fram okkar bestu andlitsdráttum? Tíska og hönnun Það er töff að vera sauðfjárbóndi Lífið Fleiri fréttir Bjóða landsmönnum nauðbeygð til messu Allt í banönum á Brút Bríet lét sig ekki vanta á sýningaropnun Ynju Blævar Út um allar koppagrundir Alþingis: „Froðan flæðir endalaust, það er bara froða froða“ Skálda opnar: „Kannski ekki margir nógu vitlausir til að framkvæma þessa hugmynd“ Össur Geirsson er heiðurslistamaður Kópavogs 2024 Margmenni í sköpunargleði og stuði á safninu Ólafur Elíasson tekur yfir Piccadilly Circus og Times Square Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Sjá meira