Bergrún Íris og Kol­brún keyptu í Hafnar­firði

Um  er að ræða 189,7 fermetrar eign í húsi sem var byggt árið 1973 og býr yfir miklum sjarma. Parið greiddi 118,5 milljónir fyrir eignina.

Eignin hefur verið endurnýjuð að innan síðastliðin ár á stílhreinan og fallegan máta. 

Samtals eru fimm svefnherbergi og tvö baðherbergi. Stofa og borðstofa er í opnu rými þar sem útgengt er á rúmgóðar suðursvalir. Í stofunni er fallegur upprunalegur arinn sem gefur rýminu hlýlegt yfirbragð.

Í eldhúsinu er nýleg hvít innrétting með góðu skápaplássi og tvöföldum ísskáp. Fyrir miðju er vegleg eldhúseyja með grárri borðplötu.

Deila bókmenntaáhuganum 

Bergrún og Kolbrún opinberuðu samband sitt í desember í fyrra og vörðu jólunum saman. 

Bergrún Íris er einn fremsti barnabókahöfundur landsins. Hún hlaut Barna- og ung­menna­bóka­verðlaun Vestn­or­ræna ráðsins fyr­ir bók sína Lang­elst­ur að ei­lífu árið 2020 og Íslensku bók­mennta­verðlaun­in fyr­ir sömu bók árið 2019. Fyrir bókina Kennarinn sem hvarf hlaut hún Barna­bóka­verðlaun Guðrún­ar Helga­dótt­ur og Fjöruverðlaunin árið 2019. Bergrún Íris var útnefnd Bæj­arlistamaður Hafn­ar­fjarðar árið 2020.

Kolbrún Ósk deilir bókmenntaáhuganum með Bergrúnu en samkvæmt Facebook síðu hennar starfar hún sem bókastjóri hjá Bókabeitunni. Kolbrún hefur einnig starfað hjá Storytel, Heimkaup og Forlaginu.