Þar segir að hin 16 ára Bo sé uppalin í Madríd á Spáni en síðan hún flutti hingað til lands hefur hún spilað fyrir Stjörnuna.
„Bo er ungur og spennandi leikmaður sem kemur til að með að styrkja sterkan hóp enn frekar í baráttunni. Hún bætir auðvitað upp á sentímetrana hjá okkur þar sem hún er hávaxin og einnig fjölhæf á boltann,“ sagði Einar Árni Jóhannsson, þjálfari kvennaliðs Njarðvíkur.
„Ég tel þetta vera rétt skref fyrir minn feril núna. Liðið er sterkt, aðstaðan er stórglæsileg og ég hef trú á að Njarðvík geti barist um titla í vetur,“ sagði Bo við skiptin.
Njarðvík hóf tímabilið í Bónus-deild kvenna með sigri á Grindavík og mætir svo nágrönnum sínum í Keflavík í stórleik 2. umferðar á þriðjudaginn kemur.
