Fótbolti

Tveggja marka Emilía á­fram í bikarnum

Sindri Sverrisson skrifar
Emilía Kiær Ásgeirsdóttir er algjör lykilmaður í liði Nordsjælland.
Emilía Kiær Ásgeirsdóttir er algjör lykilmaður í liði Nordsjælland.

Íslenska landsliðskonan Emilía Ásgeirsdóttir skoraði tvö mörk fyrir Nordsjælland í kvöld, í 3-0 sigri gegn B.93 í dönsku bikarkeppninni í fótbolta.

Emilía kom Nordsjælland yfir strax á þriðju mínútu leiksins þegar hún setti boltann laglega framhjá markverði B.93, eftir stungusendingu.

Alma Aagaard bætti við marki skömmu síðar og staðan góð fyrir Nordsjælland.

Um miðjan seinni hálfleik skoraði Emilía svo seinna mark sitt, þegar hún pressaði vel á markvörð B.93 sem spyrnti boltanum í hana, og þaðan skoppaði boltinn í netið.

Sigurinn skilar Nordsjælland áfram í átta liða úrslit bikarkeppninnar.

Danski boltinn

Mest lesið


Fleiri fréttir

Sjá meira


×

Mest lesið