Innlent

Reyndi að komast undan lög­reglu en velti bif­reiðinni

Hólmfríður Gísladóttir skrifar
Alls voru 63 mál bókuð í kerfi lögreglunnar á höfuðborgarsvæðinu í nótt.
Alls voru 63 mál bókuð í kerfi lögreglunnar á höfuðborgarsvæðinu í nótt. Vísir/Vilhelm

Ökumaður sem grunaður er um ölvunarakstur reyndi að komast undan lögreglunni á höfuðborgarsvæðinu í nótt en endaði utan vegar og velti bifreið sinni.

Engin slys urðu á fólki en ökumaðurinn var handtekinn.

Þá var annar ökumaður stöðvaður sem reyndist aldrei hafa öðlast ökuréttindi og var sá sektaður.

Lögregla var kölluð til vegna líkamsárásar í póstnúmerinu 109. Meiðsl reyndust minniháttar en þolandi hugðist leita á bráðamóttöku. Gerandinn er óþekktur.

Þá bárust þrjár tilkynningar um þjófnað í verslun, ein í Kópavogi og tvær í Hafnarfirði.

Einn var handtekinn í annarlegu ástandi í miðborginni eftir minniháttar eignaspjöll.

Þrír gista fangaklefa lögreglu í morgunsárið.

Lögreglumál

Mest lesið


Fleiri fréttir

Sjá meira


×

Mest lesið