Atvinnulíf

Að byggja upp vinnu­stað sem hræðist ekki breytingar

Rakel Sveinsdóttir skrifar
Í eðli okkar flestra hræðumst við það óþekkta. Það er því algengt að fólk fái svolítið í magan eða hræðist breytingar þegar þær verða á vinnustöðum. En hvernig er hægt að undirbúa vinnustaði betur undir þær miklu breytingar sem framundan eru?
Í eðli okkar flestra hræðumst við það óþekkta. Það er því algengt að fólk fái svolítið í magan eða hræðist breytingar þegar þær verða á vinnustöðum. En hvernig er hægt að undirbúa vinnustaði betur undir þær miklu breytingar sem framundan eru? Vísir/Getty

Það er svo margt að fara að breytast í atvinnulífinu næstu árin að ekki einu sinni innkoma internetsins á sínum tíma, kemst í hálfkvisti við þær breytingar sem framundan eru. Stafræn þróun, gervigreind, umhverfis- og loftlagsáhrif og svo framvegis.

Að byggja upp vinnustað sem hræðist ekki breytingar gæti því verið af hinu góða. Enda þekkt að í eðli okkar flestra hræðumst við oft hið óþekkta.

Í umfjöllun FastCompany er bent á nokkur atriði sem hjálpa vinnustöðum að byggja upp ákveðna aðlögunarhæfni, sem gerir vinnustaðinn betur í stakk búinn til að mæta breytingum.

Og þá án þess að hræðast þær.

1. Samskiptin á vinnustaðnum

Lykilatriði er að samskipti á vinnustaðnum séu hreinskiptin og góð. 

Ekki aðeins þannig að fólk sé óhrætt við að tjá sig heldur líka að öll hlutverka- og verkefnaskipan sé öllum skýr og svo framvegis.

2. Sviðsmyndir sem sýnishorn

Annað atriði er að teikna upp mögulegar sviðsmyndir, óháð því hvort þær séu líklegar til að verða að veruleika.

Ekkert ósvipað og fólk er farið að venjast þegar hamfarir ríða yfir og sérfræðingar leggja fram spár um hvað mögulega gæti gerst, hvenær og hvar.

Þegar fólk sér mismunandi sviðsmyndir, gerir það ósjálfrátt frekar ráð fyrir að breytingar geti orðið.

3. Svigrúm til breytinga

Flestir vinnustaðir upplifa ákveðið kapphlaup við tímann og álagið dag hvern. Samt þarf að gera ráð fyrir að tími sé til breytinga þegar að þeim kemur. Annars er hætta á að fólk einfaldlega brenni út því álagið verður svo mikið, að óánægja magnist eða vanlíðan vegna breytinga.

Ein leið til þess að búa til þetta svigrúm er að gera ráð fyrir því að það fari alltaf smá tími hjá starfsfólki í eitthvað annað en eingöngu að vinna verkefnin sín. Þetta getur verið tími sem er tekinn frá í viku hverri til að gera eitthvað skemmtilegt saman, að fólk hafi svigrúm til að skreppa í klippingu eða góðan tíma í ræktinni og svo framvegis.

Góðu ráðin Vinnustaðamenning Stjórnun Mannauðsmál

Tengdar fréttir

Góð ráð gegn mánudagsvinnukvíðanum

Þótt við séum ánægð í vinnunni okkar kannast margir við að finna fyrir kvíða þegar líður á helgarfríið, hnútur sem stækkar á sunnudagskvöldum og er ekki enn farinn þegar að við mætum til vinnu á mánudagsmorgni.

Eitraður starfsmaður og góð ráð

Það er stundum talað um eitraða vinnustaðamenningu. Eða eitraða stjórnarhætti. En hvað með stöðuna þegar stjórnandi er með eitraðan starfsmann?

Þrjú snilldarráð fyrir góð samskipti

Góð samskipti eru alltaf lykilatriði. Hvort heldur sem er í leik eða starfi. Við viljum öll standa okkur sem best í góðum samskiptum en eigum það mögulega til að gleyma okkur. 

Andfúli vinnufélaginn og góð ráð

Við erum andfúl á morgnana þegar að við vöknum en sem betur fer er það frá um leið og við höfum burstað tennurnar. Og þó.

Krónísk óstundvísi: Skýringar og góð ráð

Í vikunni birtist frétt um að Hollywodd-stjarnan Dwayne Johnson, betur þekktur sem The Rock og af blaðamanni Vísis kallaður Steini, hafi verið sakaður um króníska óstundvísi við tökur á myndinni Red One.



Mest lesið


Fleiri fréttir

Sjá meira


×

Mest lesið