Gæti fengið sjö leikja bann fyrir ras­isma í garð sam­herja

Talið er líklegt að Úrúgvæinn fái sjö leikja bann fyrir ummæli sín í viðtali í heimalandinu í sumar. Þar sagði hann að Son og allir samherjar hans í suður-kóreska landsliðinu litu eins út.

Sjónvarpsmaðurinn sem tók viðtalið bað Bentancur um að gefa sér Tottenham-treyju frá Son.

„Viltu treyjuna frá Sonny eða frændum hans? Þeir líta svo gott sem allir eins út,“ sagði Bentancur.

Hann bað Son afsökunar á ummælum sínum auk þess að birta afsökunarbeiðni á samfélagsmiðlum sínum.

Þrátt fyrir það kærði enska knattspyrnusambandið hann fyrir niðrandi ummæli og fyrir að koma óorði á leikinn. Bentancur fær líklega að minnsta kosti sex leikja bann en það gæti orðið sjö leikir.

Bentancur hefur verið í lykilhlutverki hjá Tottenham á tímabilinu og leikið fjórtán leiki í öllum keppnum í vetur.