Sarr sá um fyrsta tap Brighton á heima­velli

Senegalinn Ismaila Sarr var áberandi í sigrinum en hann átti stoðsendingu í fyrsta markinu, sem Trevoh Chalobah skoraði, og skoraði svo hin tvö mörkin.

Staðan var 2-0 í hálfleik og Sarr skoraði svo seinna mark sitt á 82. mínútu. Brighton minnkaði muninn undir lokin, þegar Marc Guehi skoraði sjálfsmark, en engum leikmanna Brighton tókst að finna leiðina framhjá Dean Henderson sem átti frábæran leik í marki Palace.

Brighton er því í 9. sæti með 24 stig en Palace komið með 16 stig í 15. sæti, í fjögurra stiga fjarlægð frá fallsvæðinu.