Fór með fyrr­verandi í bíó

Í umfjöllun Page Six kemur fram að um hafi verið að ræða hátíðarsýningu á kvikmyndinni Serpico frá árinu 1973 þar sem Pacino fór með aðalhlutverkið. Alfallah og Pacino eiga saman hinn eins árs gamla Roman sem fæddist í júní í fyrra.

Pacino tók mynd af sjálfum sér á skjánum í bíóinu og birti á Instagram. Þar skrifaði hann einfaldlega undir: „Pabbi Roman.“ Pacino hefur áður sagt að hann elski að vera gamall pabbi.

Pacino og Alfallah fóru að hittast í heimsfaraldrinum en fregnir bárust af sambandinu í apríl 2022. Það var svo í október í fyrra sem fregnir bárust af því að þau væru hætt saman. Þau hafa sagst vera góðir vinir og Pacino hefur sagt það af og frá að þau séu saman.