Yfirlögfræðingur KSÍ verður fram­kvæmda­stjóri Víkings

Haukur lék knattspyrnu með KA á Akureyri ásamt því að starfa fyrir félagið sumrin 2008-2012. Hann hefur einnig leikið í meistaraflokki hjá Völsungi á Húsavík, Þrótti Reykjavík og Þrótti Vogum.  Alls á hann að baki 59 leiki fyrir KA í næstefstu deild og skoraði í þeim þrjú mörk.

Haukur útskrifaðist með BA gráðu og Meistaragráðu í lögfræði frá Háskólanum í Reykjavík en hann stundaði einnig nám við Université de Cergy Pontoise í París. Hann lauk einnig LL.M. námi í alþjóðlegri samninga- og gerðardómsrétti frá University of Fribourg, Sviss. Hann stundar nú nám í viðskiptafræði MM í stjórnun við Háskólann á Akureyri.

Í fréttatilkynningu Víkings segir enn fremur:

Haukur hefur sem yfirlögfræðingur KSÍ starfað við góðan orðstír að mörgum mikilvægum verkefnum sem snúa m.a. að leyfismálum, aga- og kærumálum, lögum og reglugerðum, leikmannasamningum og umboðsmönnum leikmanna, svo eitthvað sé nefnt.

Haukur útskrifaðist með BA gráðu og Meistaragráðu í lögfræði frá Háskólanum í Reykjavík en hann stundaði einnig nám við Université de Cergy Pontoise í París. Hann lauk einnig LL.M. námi í alþjóðlegri samninga- og gerðardómsrétti frá University of Fribourg, Sviss. Hann stundar nú nám í viðskiptafræði MM í stjórnun við Háskólann á Akureyri.

Valinn úr hópi margra mjög hæfra einstaklinga

,,Við erum gríðarlega ánægð með þessa ráðningu og bjóðum Hauk hjartanlega velkominn til Víkings. Haukur var valinn úr hópi margra mjög hæfra einstaklinga sem sóttu um stöðuna í mjög faglegu ferli sem félagið fór í við val á framkvæmdarstjóra. 

Haukur þekkir vel til íþróttalífs hér á landi eftir farsælt starf hjá KSÍ auk þess sem mikil reynsla hans af þeim vettvangi mun nýtast félaginu afar vel í sínum næstu skrefum og framtíðarsýn. Knattspyrnufélagið Víkingur hugsar hátt og hefur metnaðarfull markmið. Það er mjög spennandi vegferð og tímar framundan hjá félaginu okkar,“ segir Björn Einarsson, formaður Knattspyrnufélagsins Víkings.

Ljóst er að Haukur mun hafa í nógu að snúast í nýju starfi. Víkingur hefur vaxið ört undanfarin ár, iðkendafjöldi félagsins hefur aukist og svæði þess hefur stækkað eftir að Fram fluttist úr Safamýrinni. Auk þess streyma nú gífurlegir fjármunir inn í félagið, þökk sé árangri karlaliðsins í knattspyrnu sem tryggði sér í gær umspilseinvígi í Sambandsdeildinni.