Tíu góð andlitskrem í vetrarkuldann

Hér er lista af nokkrum góðum kremum sem hafa verið vinsæl og hjálpa til við að vernda húðina í kuldanum.

Origins Ginzeng

Rakagefandi og nærandi andlitskrem sem veitir húðinni orku og raka. Inniheldur ginseng og koffín sem gefa húðinni nýja orku og ljóma.

• Kaffifræjaolía og cupuaçsmjör næra og halda húðinni mjúkri.

• Panax ginseng endurnýjar húðina.

• Koffín gefur ljóma.

Hentar öllum húðtegundum, sérstaklega þurri húð.

Embryolisse Lait-Crème Concentré

Þessi fjölþætta húðvara er vinsæl meðal húðlækna og snyrtifræðinga og má nota sem andlitskrem, maska eða farðagrunn. Hún inniheldur náttúruleg efni með fitusýrum og vítamínum sem nærir og verndar húðina, viðheldur raka og dregur úr áreiti. Húðin verður silkimjúk og ljómandi. Hentar fyrir þurra, viðkvæma og rósroðahúð.

COSRX 

Propolis light cream er rakagefandi krem með svörtu býflugna propolis formúlu og andoxunarefnum. Létt, gel-kennt krem sem frásogast hratt  inn í húðina og veitir henni raka og ljóma. Andoxunarefnin hjálpa til við að verna húðina gegn utanaðkomandi áhrifum eins og mengun og stressi. Aukin útgeislun og minnkar ásýnd á fínum línum.

Kremið hentar allan ársins hring og er gott fyrir allar húðgerðir.

MÁDARA 

Mádara Deep Moisture Nourish cream nærir húðina með náttúrulegum jurtavítamínum, steinefnum og öðrum líffræðilega virkum efnum. Veitir mikinn raka ásamt því að sefa og róa húðina. Kremið hentar fyrir þurra og mjög þurra húð.

Vichy Mineral 89 

Þétt rakakrem sem fer hratt inn í húðina. Það inniheldur steinefni, hýalúronsýru, B3 og E vítamín ásamt Squalane og fitusýrum. Kremið gefur húðinni mikinn raka sem læsist vel inni í húðinni svo hún fær rakamikla og þægilega fyllingu. Kremið er án ilmefna.

BIOEFFECT Hydrating Cream

Kremið veitir húðinni fullkominn raka sem endist allan daginn. Þetta einstaklega létta en nærandi rakakrem er búið til úr hreinum efnum á borð við íslenskt vatn, hýalúronsýru og E-vítamín. Það eykur raka og skilur við húðina slétta og mjúka.

Weleda- Skin food 

Skin Food er alhliða krem sem er róandi og græðandi á húðina og gerir hana mjúka og slétta. Með jurtablöndu úr stjúpum, kamillu og morgunfrú er þetta náttúrulegt grunnkrem fyrir alla fjölskylduna. 

Pestle & Mortar Hydrate Moisturiser

Mýkjandi rakakrem sem þéttir húðina og veitir henni raka án þess að stífla svitaholur. Formúlan er í loftlausum umbúðum með pumpu og helst því fersk og virk. Þrí- og fjórpeptíðtækni auk vegan skvalíns vinna saman gegn ótímabærum öldrunarmerkjum, gera við skemmdir og endurnæra húðina. 

The Ordinary – Natural Moisturizing Factors + HA

Olíulaust rakakrem sem styrkir náttúrulegan rakahjúp húðarinnar og verndar ytra lag hennar. Kremið inniheldur aminósýrur, hýalúronsýru, seramíða, sodium og glycerín. Með reglulegri notkun þá styrkir kremið varnarhjúp húðarinnar og húðin fyllist raka án þessa að verða fitug. Kremið veitir tafarlaus og varanleg áhrif. Hentar öllum húðgerðum.

Sóley Eygló andlitskrem 

Eygló nærir húðina og kallar fram náttúrulegan ljóma hennar. Andlitskrem sem inniheldur mikið af andoxunarefnum sem lífga upp húðina og fá þurra og líflausa húð til að ljóma. Eygló inniheldur einstaka blöndu af kvöldvorrósarolíu og handtíndum villtum íslenskum jurtum sem næra, mýkja og hafa róandi áhrif á húðina ásamt því að gefa raka. Kremið er með Lífræna vottun frá Tún og Ecocert.