Tjakkurinn brást og maður klemmdist undir bíl

Útkallið barst viðbragðsaðilum á tíunda tímanum en maðurinn hafði verið að gera við undirhlið bílsins þegar tjakkurinn brást og bíllinn féll á hann. Bíllinn lenti á fæti mannsins og slasaði hann.

Vakthafandi hjá slökkviliðinu á höfuðborgarsvæðinu segir að um leið og viðbragðsaðilar komu á vettvang hafi bíllinn verið tjakkaður upp og manninum komið undan honum. Hann hafi síðan verið fluttur á sjúkrahúsi þar sem hlúð er að honum.

Slökkviliðið segir manninn vera slasaðan á fæti en ekki liggi fyrir hve alvarlegir áverkar hans eru.

Vakthafandi tekur einnig fram að erilsamt hafi verið það sem af er nóttinni hjá viðbragðsaðilum í borginni en fyrr í kvöld voru til að mynda þrír fluttir á slysadeild eftir árekstur við Rauðavatn.