Styðjum Ás­laugu Örnu – sam­einumst um grunn­gildin

Við Sjálfstæðismenn í sveitarstjórnarmálum um land allt lýsum yfir eindregnum stuðningi við Áslaugu Örnu Sigurbjörnsdóttur í formannskjöri Sjálfstæðisflokksins og hvetjum alla til að fylkja sér að baki öflugum leiðtoga með skýra framtíðarsýn sem getur aukið fylgi og sameinað stuðningsmenn flokksins.

Áslaug Arna er óhrædd við að fara nýjar leiðir og hefur sýnt það í störfum sínum að hún er dugmikil og óhrædd við að gera breytingar sem skila árangri. Hún hefur skýra sýn á hvernig við eflum flokksstarfið og tryggjum að Sjálfstæðisflokkurinn verði áfram leiðandi afl í íslenskum stjórnmálum.

Sameinar Sjálfstæðismenn um land allt

Hún hefur sýnt og sannað í sínum verkum að hún er talsmaður landsins alls, öflugs atvinnulífs og allra sjálfstæðismanna, hvar á landi sem er, bæði i störfum sínum sem þingmaður, ritari flokksins og sem ráðherra með aðsetur skrifstofu sinnar vítt og breitt um landið.

Það sem gerir Áslaugu Örnu að rétta valinu fyrir Sjálfstæðisflokkinn er að hún býr yfir þeim krafti, festu og metnaði sem þarf til að endurnýja og styrkja flokkinn og kalla fram þau grunngildi sem hafa verið undirstaða velgengni flokksins í áratugi. Áslaug Arna hefur skilning á hversu sterkt erindi stefna Sjálfstæðisflokksins á við framtíðina og hvernig við getum höfðað betur til yngri kynslóða. Hún hefur þor til að taka erfiðar ákvarðanir, en á sama tíma næmni og stefnufestu. Hún hefur sýnt það í verki að hún verður formaður allra Sjálfstæðismanna um land allt.

Við stöndum á tímamótum og nú er rétti tíminn til að velja sterkan og reynslumikinn leiðtoga til framtíðar sem er tilbúin að leggja allt í sölurnar svo að Sjálfstæðisflokkurinn nái vopnum sínum á ný og endurheimti fyrri styrk. Við hvetjum alla sjálfstæðismenn til að veita Áslaugu Örnu stuðning sinn í komandi formannskjöri – fyrir sterkan, sameinaðan og framsækinn Sjálfstæðisflokk.

Styðjum Áslaugu Örnu!

• Andri Steinn Hilmarsson, Kópavogi
• Auður Kjartansdóttir, Snæfellsbær
• Ásthildur Sturludóttir, Akureyri
• Björg Fenger, Garðabæ
• Elísabet Sveinsdóttir, Kópavogi
• Freyr Antonsson, Dalvíkurbyggð
• Friðjón R Friðjónsson, Reykjavík
• Guðmundur Haukur Jakobsson, Húnabyggð
• Hafrún Olgeirsdóttir, Norðurþing
• Hanna Sigríður Ásgeirsdóttir, Fjallabyggð
• Heimir Örn Árnason, Akureyri
• Hildur Björnsdóttir, Reykjavík
• Hildur Sólveig Sigurðardóttir, Vestmannaeyjum
• Jana Katrín Knútsdóttir, Mosfellsbær
• Jóhanna Sigfúsdóttir, Fjarðabyggð
• Jósef Ó. Kjartansson, Grundarfjarðarbær
• Jóhann Birkir Helgason, Ísafjarðarbæ
• Lára Halldóra Eiríksdóttir, Akureyri
• Líf Lárusdóttir, Akranesi
• Magnús Örn Guðmundsson, Seltjarnarnesi
• Margrét Bjarnadóttir, Garðabæ
• Orri Björnsson, Hafnarfirði
• Ragnar Sigurðsson, Fjarðabyggð
• Ragnhildur Eva Jónsdóttir, Borgarbyggð
• Ragnhildur Jónsdóttir, Seltjarnarnesi
• Sigríður Jódís Gunnarsdóttir, Dalvíkurbyggð
• Þór Sigurgeirsson, Seltjarnarnesi