Gefa krökkunum frí í skólanum til að fagna Eagles

Eagles er NFL meistari í annað annað skiptið í sögunni en liðið vann sannfærandi stórsigur á fráfarandi meisturum í Kansas City Chiefs í leiknum um Ofurskálina.

Mikið gekk á á götum borgarinnar nóttina eftir sigur liðsins en á föstudaginn er búið að plana annað partý.

Leikmenn og starfsmenn Eagles liðsins munu þá fara í sigurskrúðgöngu um borgina til að fagna titlinum með stuðningsmönnum sínum.

Það er von á miklum áhuga á skrúðgöngunni og skólarnir í Philadelphia borg ætla ekki að standa í vegi fyrir að krakkarnir geti fjölmennt á gleðina.

Almenningsskólarnir í Philadelphia munu nefnilega loka dyrunum og gefa krökkunum frí til að fara á sigurskrúðgöngu Eagles. Það má því búast við mörgum glöðum krökkum þegar hetjurnar mæta með bikarinn í miðbæinn.